ဂွေးသီး ငပိချက်

ဈေးမှာ ဂွေးသီးတွေတွေ့တာနဲ့ ဂွေးသီး ငပိချက် ချက်ဖို့ စိတ်ကူးရလို့ အခုလို ချက်လိုက်ပါတယ်။

ကြက်သွန်ဖြူ၊ ကြက်သွန်နီတွေကို အခွံသင်၊ ရေဆေးထားပါတယ်။

ဂွေးသီးနဲ့ ခရမ်းချဉ်သီးတို့ကိုလည်း ရေဆေးပြီး အနေတော် တုံးထားပါတယ်။

အထက်ပါ အမယ် ၄မျိုးကို သတ်သတ်စီခွဲပြီး ကြိတ်စက်နဲ့ ကြိတ်ထားပါတယ်။

ငရုတ်သီးစိမ်း၊ ပုဇွန်ခြောက်နဲ့ ငပိတို့ကို ရောထောင်းပါတယ်။ ငပိထောင်းဗူးက ဒေါ်ရွှေမိုး သုံးနေကျကို မရှိလို့ ရတဲ့ငပိထောင်းဗူး သုံးလိုက်တာ နည်းနည်းခါးသွားပါတယ်။ နောင်ဆိုရင်တော့ မသုံးခင် အရင်မြည်းကြည့်မှ ဖြစ်မယ်။

ဂွေးသီးငပိချက် ချက်ပြီး မြည်းကြည့်တာ မချဉ်တာနဲ့ အိမ်မှာ အသင့်ရှိနေတဲ့ ပန်းသီးရှာလကာရည်ကို ထည့်လိုက်၊ မြည်းလိုက်နဲ့ တစ်ဝက်လောက်ကျိုးမှ အရသာ ကိုယ်ကြိုက်တဲ့အနေရတော့တယ်။ စိတ်ကြိုက်ဖြစ်ပြီဆိုတော့ ဟင်းအိုးကို မီးပိတ်ပြီး ထားလိုက်ပါတယ်။ 

ထမင်းပူပူလေးနဲ့ဆို သူ့ချည်းစားလည်း စားလို့ကောင်းတဲ့ ဟင်းရံတစ်ခွက်ပါ။

အရွက်စုံ ရေညှိထမင်းလိပ်

- ကညွတ်

- baby corn 

- သခွားသီး 

- မုန်လာဥနီ 

- ကြက်ဥကြော်

အထက်ပါ အမယ်(၅)မျိုးထဲက ကညွတ်ကလွဲလို့ ကျန်(၄)မျိုးကို ပုံပါအတိုင်း အနေတော် အချောင်းလေးတွေလှီးထားပါတယ်။

ထမင်းကို ဂျပန်နှမ်းဆီမွှေး၊ ဆား၊ မရိုးနိစ်တို့နဲ့ ရောနယ်ပြီး ရေညှိပြားပေါ် ခပ်ပါးပါး ဖြန့်ခင်းပါတယ်။ ခင်းထားတဲ့ထမင်းပေါ် အစာပလာတွေကို ဘေးစွန်းနဲ့ ၁လက်မခွဲလောက်ကနေ ခွာထည့်ပြီး ခပ်ကျစ်ကျစ်လိပ်လိုက်ရင် ရေညှိထမင်းလိပ်ချောင်းတွေ ရပါပြီ။

ရေညှိထမင်းလိပ်ချောင်းတွေကို လှီးမယ့်ဓါးက အတော်ထက်ဖို့လိုပါတယ်။ အပိုင်းတွေ ပိုင်းတဲ့အခါ ထက်ဝက်စီ အဆင့်ဆင့်ပိုင်းသွားရင် ပိုအဆင်ပြေပါတယ်။

ရေညှိထမင်းလိပ်ကို ဆယ်လ်မွန်ငါး အသားလွှာ၊ မီဆောဟင်းချို၊ ပဲငံပြာရည်လေးနဲ့ အရသာရှိစွာ သုံးဆောင်နိုင်ပါတယ်ရှင်။

ခရမ်းချဉ်သီး ပုဇွန်ခြောက်ချက်

အိမ်မှာ အိမ်ရှင်မဖြစ်တဲ့ မေမေ ၃လလောက် မရှိတာနဲ့ ဟင်းချက်စရာတွေကို သတိထားပြီး ရှင်းမယ့်သူ မရှိတော့ ပစ်လိုက်ရတာတွေ မနည်းဘူး။ အခုလည်း ပုဇွန်ခြောက်တွေက နည်းနည်း တစ်မျိုးဖြစ်နေတာရယ်၊ ခရမ်းချဉ်သီးတွေ ဝယ်ထားတာ များနေတာရယ်ကြောင့် ခရမ်းချဉ်သီး ပုဇွန်ခြောက်ချက် ချက်ဖြစ်သွားပါတယ်။ မရမ်းသီးစိမ်းတွေ ၆လုံးလောက် ကျန်နေတာပါ လက်ကျန်ရှင်းတမ်းအနေနဲ့ ထည့်ချက်လိုက်ပါတယ်။

- ကြက်သွန်နီ ၄လုံး

- မရမ်းသီးစိမ်း ၆လုံး

- ခရမ်းချဉ်သီး ၈လုံး

- ပုဇွန်ခြောက် ဟင်းရည်သောက်ပန်းကန် ၁လုံးစာ

အထက်ပါ ဟင်းချက်စရာ အမယ်၎မျိုးကို တစ်မျိုးစီ သတ်သတ်ကြိတ်ထားပါတယ်။

- နံနံပင် ၁စည်း
(ရေဆေးပြီး လိုချင်တဲ့အနေ ပိုင်းဖြတ်ထားပါတယ်။)

ချက်မယ့် ဟင်းအိုးထဲကို ဆီသင့်ရုံထည့်ပြီး ဆီကျက်ရင် ကြက်သွန်နီထည့် ဆီသတ်ပါတယ်။ ပြီးရင် ပုဇွန်ခြောက်၊ မရမ်းသီးနဲ့ ခရမ်းချဉ်သီးတွေ အစဉ်အတိုင်းထည့်ပြီး မပြတ်မွှေပေးနေရပါတယ်။ ငရုတ်သီးအရောင်တင်မှုန့် ဟင်းခတ်ဇွန်း ၂ဇွန်းထည့်ပြီး ဆက်မွှေပါတယ်။ (ကြက်သွန်နီ ဆီသတ်တဲ့အချိန်မှာ ထည့်ရင် မွှန်မှာစိုးလို့ နောက်ဆုံးမှ ထည့်တာပါ။) အရသာအတွက် ကြက်သားမှုန့်နဲ့ ငံပြာရည်ထည့်ပါတယ်။

ဟင်းကျက်လို့ ဆီပြန်လာတဲ့အခါမှာ မီးပိတ်ပြီး ပန်းကန်လုံး ၁လုံးစာချန်၊ ကျန်တာတွေ နောက်ရက်တွေ စားဖို့ သတ်သတ်ခပ်ထားပါတယ်။

ပန်းကန်လုံး ၁လုံးစာ ခရမ်းချဉ်သီး ပုဇွန်ခြောက်ချက်ထဲ ရေအနည်းငယ်ထည့်ပြီး ပြန်တည်ပါတယ်။ ပွက်ရင် နံနံပင် ပိုင်းထားတာတွေထည့်၊ ရောမွှေပြီး ဆီပြန်လာရင် ရပါပြီ။

ဒီဟင်းမှာ ငပိမသုံးဘဲ ငံပြာရည်ပဲ သုံးထားတော့ အရသာက ပေါ့နေတာနဲ့ ချက်ပြီးတော့မှ ငပိထည့်ပြီး ပြန်ချက်ရပါဦးမယ်။ ဟင်းက လက်တွေ့ချက်ရင်းနဲ့မှ လိုတာ၊ ပိုတာ သင်နေရတယ်။ =)

ငါးမရမ်းသီးစိမ်းဟင်း

မွန်ပြည်နယ်၊ သံဖြူဇရပ်မြို့ကို အလုပ်နဲ့ အလည် ပေါင်းပြီး သွားလည်ခဲ့တုန်းက အတူသွားတဲ့အစ်မအိမ်မှာ တည်းဖြစ်ခဲ့တယ်။ အဲ့အစ်မရဲ့ ယောင်းမက အချက်အပြုတ် သိပ်ကောင်းကြောင်းနဲ့ အိမ်မှာ စားသောက်ဆိုင်ဖွင့်ထားကြောင်း သိရကတည်းက အစားကောင်းတွေတော့ စားရတော့မယ်လို့ ကြိုတွက်ထားခဲ့ပြီးသားပါ။ 

တကယ်ရောက်သွားပြီး ချက်ကျွေးတာတွေ ကိုယ်တိုင်စားရတော့မှ သတင်းကြားထားတာ မပိုဘူးလို့ သိရတော့တယ်။ အဲ့တုန်းက ချက်ကျွေးခဲ့တဲ့အထဲမှာ အကြိုက်ဆုံးက ပင်လယ်ငါးခူ မရမ်းသီးစိမ်းဟင်းပါပဲ။ ထုံးစံအတိုင်း စားခဲ့တဲ့ဟင်းကို စိတ်အမှတ်နဲ့ မှတ်မိသလောက် ထင်ရာတွေထည့်ပြီး အိမ်မှာ ပြန်စမ်းချက်ကြည့်လိုက်ပါတယ်။

- ခရမ်းချဉ်သီး အလုံးကြီး တစ်လုံးခွဲ
(ထက်ခြမ်းခြမ်းပြီး ခြောက်စိပ်စိတ်ထားပါတယ်။)

- မရမ်းသီးစိမ်း ၇လုံး
(အစေ့ဖယ်ပြီး ၈ပိုင်းလောက် ပိုင်းထားပါတယ်။)

- နံနံပင် သင့်ရုံ
(ရေစင်စင်ဆေးပြီး ၁လက်မအရွက်လောက် ဖြတ်ထားပါတယ်။)

- ဒေါ်ရွှေမိုး တံဆိပ် ငပိထောင်း လက်တစ်ဆစ်ခန့်

- ငါးကတော့ အရင်ရက်ကတည်းက ဆား၊ ကြက်သားမှုန့်၊ ဆနွင်းတို့နဲ့ နယ်ပြီး သိမ်းထားတဲ့အထဲက ၃ပုံ၂ပုံလောက် ယူသုံးပါတယ်။

ဒီဟင်းက လုံးချက်မယ့်ဟင်းမို့ ဟင်းချက်မယ့် အိုးထဲ ဆီအနည်းငယ်ထည့်၊ ငါးထည့်၊ ခရမ်းချဉ်သီးနဲ့ မရမ်းသီးစိမ်းထည့်၊ ကြက်သားမှုန့် သင့်ရုံနဲ့ ငပိထောင်းထည့်ပြီး မီးဖွင့်၊ ခဏထားလိုက်ပါတယ်။

အသံနည်းနည်းမြည်ပြီး အောက်ဆုံးကငါးတွေ အနံ့ နည်းနည်းထွက်လာရင် ရေမမြုပ် တမြုပ်ထည့်ပြီး တည်ထားပါတယ်။

ဟင်းရေတွေပွက်လာရင် အရသာနှံ့အောင် ငါးတွေကို  ဖြည်းဖြည်းချင်း အထက်အောက်လှန်ပေးပါတယ်။ 

ရေခန်းလာရင် ရေသင့်ရုံထပ်ထည့်ပြီး နံနံပင်တွေပါ တစ်ခါတည်းထည့်၊ အိုးအဖုံး အုပ်ပေးထားပါတယ်။

ခဏကြာရင် အငွေ့တွေ အရမ်းထွက်လာပြီး အနံလည်း မွှေးလာပါလိမ့်မယ်။ အရသာ အပေါ့၊ အငံမြည်းပြီး လိုချင်တဲ့အနေရပြီဆိုရင် မီးပိတ်လိုက်လို့ ရပါပြီ။

အမြင်သိပ်မလှပေမယ့် အနံ့၊ အရသာနဲ့ ပြည့်စုံတဲ့ ငါးမရမ်းသီးစိမ်းဟင်း ချဉ်စပ်လေးကို သုံးဆောင်နိုင်ပါပြီရှင်။

ဝက်သား အချိုချက်

ရန်ကုန်ပြန်ရောက်ပြီးနောက်ပိုင်း များသောအားဖြင့် ဟင်းချက်ရင် အလွယ် ပလိန်းတွေပဲ ချက်ဖြစ်နေရာက ဒီနေ့တော့ ပလိန်းမချက်ဘဲ ဟင်းအနှစ်လေးနဲ့ ဆီပြန်ဟင်းချက်ဖြစ်ပါတယ်။ ကျမချက်တဲ့ ပလိန်းဆိုတာက အရွက်ကြော်ဆိုရင် ကြက်သွန်ဖြူ ဆီမသတ်ဘဲ၊ ဆီကျက်ရင် ကြက်ဥထည့်ရင်ကြက်ဥကို အရင်ထဲ့မွှေကြော်၊ မထဲ့ရင် ဒီအတိုင်း အရွက်ထည့်၊ အရသာထည့်ပြီး ကြော်လိုက်တာကို ပြောတာပါ။

ဝက်သား အချိုချက်

- ဝက်သား ၂၀သား
   (အရွယ်တော် တုံးပြီး ဆား၊ ဆနွင်း၊ သကြား၊ ပဲငံပြာရည်၊ ကြက်သားမှုန့်အနည်းငယ်နဲ့ သမအောင်နယ်ထားပြီး ခဏထားပါ။)

- ကြက်သွန်နီ ၇ဥ
   (၄ဥ ကို ကြိတ်ပြီး ၃ဥကို လေးစိတ်စိပ်ထားပါ။)

- ကြက်သွန်ဖြူ ၈မြှောင့်
   (၄မြှောင့်ကို ရောကြိတ်ပြီး၊ ၄မြှောင့်ကို ထက်ခြမ်းခြမ်း၊ ဓါးပြားရိုက်ထားပါ။)

ကြိတ်ထားတဲ့ ကြက်သွန်တွေကို ဆီဟင်းချက်ဇွန်း ၄ဇွန်းလောက်ထည့်ပြီး ကျက်အောင်တည်ထားတဲ့ အိုးထဲထည့်ပြီး ဆီသတ်ပါ။

ဆီသတ်တာ ရပြီဆိုရင် ဝက်သားထည့်လုံးပြီး နည်းနည်းတင်းလာအောင် ကြော်ပါ။

ပိုင်းထားတဲ့ ကြက်သွန်ဖြူ နဲ့ ကြက်သွန်နီတွေထည့်၊ ခဏလုံးပြီး ရေ ဟင်းချက်ဇွန်း၃-၄ဇွန်းလောက်ထည့်ပြီး မီးအေးအေးနဲ့ တည်ထားပါ။

ရေခန်းလိုက်၊ မွှေလိုက်၊ ရေနည်းနည်းထပ်ထည့်လိုက်နဲ့ ၃ခါလောက်ရှိရင် ဝက်သားလည်း နူးပြီမို့ ဆီပြန်အောင်တည်ပြီး မီးပိတ်ထားလို့ ရပါပြီ။

ငပိရည်ကျို၊ ချဉ်ပေါင်ဟင်းရည်လေးနဲ့ဆို အင်မတန်လိုက်ဖက်မယ့် ဟင်းတစ်မယ်ပါ။

ကျောက်ပွင့်သုပ်

ဘလော့နဲ့ အဆက်ပြတ်သွားခဲ့တာ တော်တော်တောင် ကြာသွားခဲ့ပြီ။ ဟင်းချက်ဖြစ်ရင်တောင် ဓါတ်ပုံ သိပ်မရိုက်ဖြစ်တော့လောက်အောင်ကို အဆက်ပြတ်သွားခဲ့တာ။

 ပြီးခဲ့တဲ့အပါတ်ကတော့ မွန်ပြည်နယ်ဘက်ရောက်ပြီး စက်စဲကနေ ကျောက်ပွင့်အမဲလေးတွေတွေ့လို့ ဝယ်လာရာကနေ ဟင်းအဆန်းလေးတွေ ဘလော့ပေါ် ပြန်တင်ချင်စိတ်ဖြစ်လာတာနဲ့ပဲ ရောက်အောင် ပြန်လာခဲ့လိုက်ပါတယ်။

ကျောက်ပွင့်သုပ်

- ကျောက်ပွင့်အမဲ စားပွဲဇွန်း ၂ဇွန်း
   (ရေစိမ်လိုက်ရင် အများကြီး ပွားသွားပါတယ်။ ရေကိုတော့ သဲတွေ၊ အမှိုက်တွေ ပါတတ်လို့ ၇-၈ထပ်လောက် သေချာ ဆေးပေးရပါတယ်။ )

- ကြက်သွန်နီ ၂ဥ
   (ပါးပါးလှီး၊ ရေခဏစိမ်ပြီး ရေစစ်ထားပါ။)

- မရမ်းပြား ၁၀ပြားခန့်
   (အချဉ်ကို ကြိုက်တဲ့အနေလောက် တိုး၊ လျော့ ထည့်ပါ။)

- ငပိထောင်း လက်ဖက်ရည်ဇွန်း ၂ဇွန်း
   (ဒေါ်ရွှေမိုး ငပိထောင်းဗူးကို သုံးပါတယ်။ သုံးဖူးတဲ့အထဲမှာ သူ့ကို အကြိုက်ဆုံးပါပဲ။)

- ခရမ်းချဉ်သီး ၁လုံး
   (ခပ်သေးသေး အနေတော် လှီးထားပါ။ ဒါကတော့ သတ်သတ် ထည့်ချင်လို့ ထည့်တာပါ။ မွန်သုပ်မှာတော့ မထည့်ကြပါဘူး။ Your kitchen, your rules!. =) )

အထက်ပါ အမယ်တွေကို ဇလုံတစ်လုံးထဲ ရောထည့်၊ ငပိနဲ့ မရမ်းပြားကို ထောင့်လေးမှာ ထည့်ပြီး ဆီနည်းနည်းနဲ့ သမအောင် အရင်နယ်၊ ပြီးမှ ကျန်တာတွေကို ခပ်ဖွဖွရောနယ်၊ အရသာ အချို၊ အပေါ့၊ အငံ ကြိုက်သလိုမြည်းပြီး သုံးဆောင်နိုင်ပါတယ်။ ငပိထောင်းထဲမှာ ငရုတ်သီးပါပြီးသားမို့ ငရုတ်သီး သတ်သတ် ထပ်မထည့်တော့ပါဘူး။ အိမ်မှာသုပ်တာကတော့ ငပိထောင်းထဲမှာ အရသာက အကုန်အဆင်ပြေပြီးသားမို့ ကြက်သားမှုန့်လေး နည်းနည်းပဲ ထပ်ထည့်လိုက်ပါတယ်။ ကျောက်ပွင့်ရေဆေးရတာကလွဲလို့ လွယ်လွယ်ကူကူနဲ့ ခံတွင်းမြိန်စေမယ့် ချဉ်ငံစပ် အသုပ်လေးပါ။