ခရမ်းချဉ်သီး ငပိချက်

ခရမ်းချဉ်သီးတွေ ဝယ်ထားပြီး မချက်ဖြစ်တာ တစ်ပါတ်လောက်ရှိပြီဆို ချက်မှဖြစ်တော့မယ်ဆိုပြီး ခရမ်းချဉ်သီး ငပိချက် ချက်လိုက်ပါတယ်။ ခရမ်းချဉ်သီး ငပိချက် ချက်ထားရင် အသားနဲ့ပဲ ရောချက်ချက်၊ ဘဲဥချဉ်ဟင်းပဲချက်ချက်၊ သူ့အတိုင်းပဲစားစား အဆင်ပြေတယ်လေ။

၁။ အရင်ဆုံး ခရမ်းချဉ်သီးကို အစေ့ဖယ်ပြီး ပါးပါးလှီးထားပါတယ်။

၂၊ ကြက်သွန်နီးကို အခွံခွာ၊ ပါးပါးလှီးထားပါတယ်။

၃။ ဆီအိုးတည်ပြီး ကြက်သွန်နီကို ကျက်အောင် ဆီသတ်ပါ။ ကျက်ရင် ငရုတ်သီး အရောင်တင်မှုန့်ထည့် မွှေ၊ ပြီးရင် ခရမ်းချဉ်သီးထည့်ပြီး လိတ်အောင် ချက်ပါ။ ငပိ သင့်ရုံထည့်ပါ။ ကျမကတော့ ခရမ်းချဉ်သီး အရွယ်တော် ၈လုံး၊ ကြက်သွန်နီ ၃ဥအတွက် ငပိကို ဟင်းခတ်ဇွန်း၂ဇွန်းစာလောက် ထည့်ပါတယ်။ ဆား၊ အချိုမှုန့်သင့်ရုံထည့်ပါ။ ငပိပျော်ပြီး ခရမ်းချဉ်သီး အခွံတွေ လိပ်သွားပြီဆိုရင် အရသာ အပေါ့၊ အငံမြည်းပြီး မီးပိတ်လို့ရပါပြီ။

ဝက်နံရိုး တို့ဖူးနွေး

ဝက်နံရိုးက တစ်မြှောင်းလုံးဝယ်ထားတော့ မကုန်သေးဘူး။ ဒါနဲ့ ကြက်သွန်ဖြူ၊ ကြက်သွန်နီရောထောင်း၊ ဝက်နံရိုးကို ကြက်သားမှုန့်၊ ပဲငံပြာရည်နဲ့ ရောနယ်၊ ထမင်းပေါင်းအိုးထဲ အားလုံးရောထည့်၊ ရေဖန်ခွက်တစ်လုံးလောက်ထည့်၊ ဆီသင့်ရုံထည့်ပြီး ချက်လိုက်တယ်။ ထမင်းအိုးက အသံမြည်လာရင် ဖွင့်ကြည့်ပြီး မွှေပေးပါ။ အကျက်ညီအောင်လို့နဲ့ မကပ်သွားအောင်လို့။ ဝက်နံရိုး နူးပြီးဆိုရင် မီးပိတ်ထားလို့ ရပါပြီ။

ညနေ အလုပ်က ပြန်ရောက်လာပြီဆိုရင် ဗိုက်ကဆာနေပြီဆိုတော့ ခေါက်ဆွဲပြုတ်ဖို့ အချိန်သိပ်မပေးချင်တော့ဘူး။ ဒါနဲ့ Ready made ခေါက်ဆွဲထုပ်က ခေါက်ဆွဲကိုပဲ ပြုတ်ပြီး ဆယ်ထားလိုက်တယ်။

ပဲစိမ်းမှုန့်ကို ခေါက်ဆွဲမပြုတ်ခင်ကတည်းက ရေစိမ်ထားလိုက်တယ်။ ခေါက်ဆွဲပြုတ်ပြီးတာနဲ့ ပဲစိမ်းရည်တွေကို အိုးထဲထည့်ပြီး ဆက်တိုက်မွှေပြီး ကျိုလိုက်တယ်။ ဆား၊ အချိုမှုန့်သင့်ရုံ တစ်ခါတည်း ထည့်ထားလိုက်တယ်။ တို့ဟူးရည် ခပ်ပျစ်ပျစ်အနေရပြီဆိုရင် မီးပိတ်လို့ရပြီ။

ခေါက်ဆွဲပန်းကန်ထဲ တို့ဟူးရည် ကြိုက်သလောက်ထည့်၊ ဝက်နံရိုးချက်ထားတာထည့်၊ ပဲငံပြာရည် အနည်းငယ်ထည့်ပြီး သုံးဆောင်လို့ရပါပြီ။

အသင့်ရှိရင်.. ကြိုက်တတ်ရင်.. မုန်ညှင်းချဉ်နဲ့ ငရုတ်သီးကြော်ပါထည့်စားနိုင်ပါတယ်။

ဝက်နံရိုး ခေါက်ဆွဲပြုတ်

အရှေ့ကပို့စ်မှာ ရေးထားသလိုပဲ ဒီတစ်လောတော့ တစ်ယောက်ထဲမို့ ဟင်းသေချာချက်ဖြစ်မှာ မဟုတ်ဘူး ထင်တယ်။ သူငယ်ချင်းတွေ လာလည်ရင်တော့ ချက်ကျွေးဖြစ်တာတွေကို တင်ပါမယ်။

ဒီတစ်ခါလည်း လွယ်အောင် ခေါက်ဆွဲပြုတ်ပဲ လုပ်စားလိုက်တယ်။ ဒါပေမယ့် Ready made ခေါက်ဆွဲပြုတ်ကို ဒီအတိုင်းသတ်သတ်မစားချင်လို့ အိမ်မှာရှိတာလေးတွေ ထည့်ပြီး လုပ်လိုက်ပါတယ်။

အရင်ဆုံး ဝက်နံရိုးကို ကြက်သားမှုန့်၊ ပဲငံပြာရည်နဲ့ ရောနယ်ထားလိုက်တယ်။

ကညွတ် (Esparagus)ကို ဆီပူအိုးထဲထည့်၊ ဆားလေးနည်းနည်းထည့်ပြီး လှိမ့်လိုက်တယ်။ ကျက်ရင် ဆယ်ပြီး ကျန်တဲ့ဆီနဲ့ ဝက်နံရိုးထည့်ကြော်လိုက်တယ်။



ဝက်နံရိုးကျက်တော့ ဆယ်ယူပြီး အိုးထဲကို ရေထည့်၊ ပွက်တော့ ခေါက်ဆွဲထည့်ပြုတ်၊ ခေါက်ဆွဲကျက်ရင် ဆယ်ပြီး ပြုတ်ထားတဲ့ရေတွေသွန်လိုက်ပါတယ်။ Chemical တွေများ သက်သာမလားလို့။

ပြီးရင် ခေါက်ဆွဲပြုတ်အတွက် ဟင်းရည်အိုးတည်ပါတယ်။ ခေါက်ဆွဲထုပ်မှာပါတဲ့ အစာပလာတွေထည့်၊ ဝက်နံရိုးထည့်ပြုတ်၊ ပွက်တော့ ခေါက်ဆွဲထည့်၊ ကညွတ်ထည့်ပြီး မီးပိတ်လိုက်ပါတယ်။

ခေါက်ဆွဲပြုတ် တစ်ပန်းကန်ရပါပြီ။

ဝက်သား ကြာဇံကြော်

အစ်မတော် မြန်မာပြည်ပြန်လို့ အိမ်မှာ တစ်ယောက်ထဲဆိုတော့ အရင်လို ထွေထွေထူးထူး မချက်နေတော့ဘဲ လွယ်ကူရာ လွယ်ကူကြောင်း ကြာဇံပဲ ကြော်စားလိုက်တယ်။

ကျမကြာဇံကြော်ရင် အိမ်ကလူတွေကလွဲလို့ သူများတွေက သိပ်မကြိုက်ကြဘူး။ ဆီသိပ်မပါလို့။ အိမ်မှာက တစ်အိမ်လုံး ဆီသိပ်မကြိုက်လို့ ဘာပဲချက်ချက် ဆီကို လိုတာထက် ပိုမထည့်ဖြစ်ဘူး။

ဒီကြာဇံကြော်က အလွယ်ကြော်ထားတာဆိုတော့ လုပ်ရတာ အင်မတန်မြန်ပါတယ်။

ပဲတောင့်ရှည် - ပါးပါးလှီး၊ ဝက်သား - ခပ်သေးသေးပါးပါးလှီး၊ ကြက်ဥတစ်လုံး ခေါက်ထား၊ ကြက်သားမှုန့်ထည့်ပြီး အားလုံးရောမွှေထားပါတယ်။

ကြာဇံကို ကြော်မလောက်ယူပြီး ရေစိမ်ထားပါ။

ဆီအိုးတည်ပြီး ဆီပူလာရင် အရသာထည့်ပြီး ရောမွှေထားတဲ့ ပဲသီး၊ ဝက်သားနဲ့ ကြက်ဥကို ထည့်ကြော်ပါ။ ကျက်ရင် ကြာဇံထည့်၊ ပဲငံပြာရည် သင့်ရုံထည့်ပြီး သမအောင်မွှေပါ။ ကြာဇံကျက်ရင် မီးပိတ်၊ အဖုံးအုပ်ထားလိုက်ပါ။

စားဖို့ အဆင်သင့် ကြာဇံကြော်တစ်အိုး ရပါပြီ။

ဘလော့ပေါ် ပြန်လည်ရောက်ရှိခြင်း

ဒီဘလော့ကို ပစ်ထားသလိုဖြစ်တာ တော်တော်ကို ကြာသွားပြီ။ ကြာဆို အိမ်မှာ ငါးမွေးကတည်းက ထင်တယ်။
အိမ်အောက်ထပ်က ထိုင်းအန်တီကြီးက သူ့ဆိုင်ကငါးတွေကို လက်ဆောင်ပေးမယ်ဆိုရာက စသွားတာပါ။

အစကတော့ ဖန်ဇလုံလေးထဲ (ဖန်ပုလင်းလုံးမဟုတ်ပါ) နှစ်ကောင်လောက် ထည့်မွေးမယ် စိတ်ကူးရာကနေ.. ဟိုက ပေးလိုက်တော့ ရွှေငါး ဆိုဒ်စုံ ၉ကောင်။ နောက် Central Shopping Mall သွားတော့ အိမ်မွေးတိရိစ္ဆာန်အရောင်းဆိုင်မှာ ငါးလေးတွေ လှတာနဲ့ ၁၁ကောင် ထပ်ဝယ်လာခဲ့မိတယ်။ ဒီတစ်ခါဝယ်လာတဲ့ငါးက Oxygen ပေးထားမှ နေလို့ ရတယ်ဆိုလို့ Oxygenစက်ကလေးပါ ဝယ်လာလိုက်ရတယ်။ ငါးက အကောင် ၂၀ဖြစ်သွားပြီဆိုတော့ အရင် ဖန်ဇလုံလေးနဲ့ မဆန့်တော့ဘူး။ ဒါကြောင့် ရေဇလုံထဲ ခဏထည့်ထားတာ မနက်မိုးလင်းတော့ တစ်ချို့ငါးတွေက ခုန်ပြီး အပြင်မှာ ပြုတ်ကျသေနေပါရော။ အဲ့ဒါနဲ့ အလျား တစ်တောင်လောက်၊ အနံ တစ်ထွာနဲ့တစ်မိုက်လောက်ရှိတဲ့ ငါးကန်တစ်ကန် The Mall က သွားဝယ်ပြီး ထည့်ထားရတယ်။ ငါးကန်ထဲမှာ ကျောက်တုံးလေးတွေခင်းမှ လှမှာဆိုပြီး ကျောက်တုံးလေးတွေ ငါးအိတ်လောက်လည်း ဝယ်ထည့်လိုက်တယ်။ ငါးကန်က ကြီးသွားပြီ၊ ကျောက်ခဲတွေလည်းထည့်ထားတယ် ဆိုတော့ အရင်လို တစ်နိုင်တစ်ပိုင် ရေမလဲပေးနိုင်တော့ဘူး။ အဲ့ဒီ့မှာ ရေသန့်စက်ဝယ်ရပြန်ရော။ အဲ့လောက် အလုပ်ရှုပ်မယ်ဆိုတာ သိခဲ့ရင် မမွေးပါဘူးတောင် တွေးမိတယ်။

ဒီလိုနဲ့ သေတဲ့ကောင်သေ ရှင်တဲ့ကောင်ရှင်နဲ့ ၁၀ကောင်လောက်ပဲကျန်တော့တယ်။ တစ်နေ့ အိမ်အပြန် ငါးပေးတဲ့ အန်တီကြီးနဲ့တွေ့တော့ သူက ငါးတွေထပ်ယူအုံးမလားမေးတာ.. အစ်မတော်က ငါးတွေရှင်လားမေးတယ်ထင်လို့ ခေါင်းညိတ်လိုက်တာနဲ့ အထင်အမြင်တွေမှားပြီး ငါးနောက်ထပ် ၁၀ကောင်ကျော်လောက် အိမ်ရောက်လာပြန်တယ်။

တစ်နေ့တော့ အစ်မရော၊ ကိုယ်ရော ခရီးသွားမှာမို့ တစ်ပတ်လောက် တစ်ယောက်မှ အိမ်မှာ မရှိဘဲ ငါးတွေပဲ ကျန်ခဲ့မယ့်အဖြစ်နဲ့ ကြုံရော။ ထုံးစံအတိုင်း The Mall က ငါးအရောင်းဆိုင်သွား၊ ငါးတွေစားလို့ရမယ့် ရေမှော်ပင်တို့ ဘာတို့ ရှိလား သွားရှာတော့.. သူတို့ စားလို့ ရတဲ့ အပင်တော့ မရောက်လာသေးဘူး။ ကုန်သွားလို့။ ဒါပေမယ့် သူတို့အတွက် Holiday Food ဆိုတာ ရှိတယ်။ အစာခြောက်ပေါ့။ တစ်ပါတ်၊ နှစ်ပါတ်လောက် အဲဒီ အစာခြောက်ထည့်ထားပေးလို့ရတယ်ဆိုလို့ အဲ့ဒါတွေ ဝယ်လာခဲ့တယ်။ သူတို့အစာခြောက်က ကိုယ်ခရီးသွားရင်း စားဖို့ မုန့်ဖိုးထက်တောင် ဈေးကြီးသေးတယ်။ မွေးပြီးမှတော့ မထူးတော့ပါဘူးပေါ့။

ဒါနဲ့ တစ်ပါတ်လောက်နေလို့ ခရီးကပြန်ရောက်တော့ အားလုံးစုံစုံညီညီပဲ၊ တစ်ကောင်မှ မသေဘူး။ ဒါနဲ့ ဝမ်းသာသွားတာပေါ့။ ဝမ်းသာလို့မှ မဆုံးသေးဘူး.. ရောက်တဲ့ညမှာပဲ ဇာတ်လမ်းစပါလေရော။ ငါးစာတစ်ခုက ရေသန့်စက်ထဲဝင်ပြီး မှိုစွဲသွားရာက ငါးတွေပါ မှိုစွဲပြီး တစ်ကောင်ပြီးတစ်ကောင် တစ်ရက်နှစ်ရက်အတွင်း သေလိုက်တာ.. ၁၇ကောင်ကနေ ၉ကောင်ပဲ ကျန်တော့တယ်။

ငါးတစ်ကောင်သေ.. တစ်ခါရေလဲနဲ့ ဘယ်လိုမှ မနိုင်တော့တဲ့အဆုံး ရေဇလုံထဲပဲ ပြောင်းထဲ့ပြီး စောင့်ကြည့်.. တစ်ကောင်မှ ထပ်မသေတော့မှ မနေ့ညနေက သူတို့ကို သန့်ထားတဲ့ကန်ထဲ ပြန်ထဲ့ပေးလိုက်တယ်။ အစ်မနဲ့တော့ ပြောထားတယ်။ ဒီကောင်တွေ တစ်ကောင်မှ မကျန်တော့ရင်တော့ ကန်ကို အပင်ကန်ပဲ ထားတော့မယ်လို့။

ငါးမွေးရတာ ပင်ပန်းတယ်။ ရေလှယ်ရတာလည်း ပင်ပန်းတယ်။ နောက်ဆုံး သူတို့ကို အချိန်ပေးရလို့ ဘလော့ပေါ်မရောက်ဖြစ်တာကို ရှင်းပြတဲ့ ဒီပို့စ်ရေးရတာလည်း ပင်ပန်းတာပဲ။ ဘာပဲဖြစ်ဖြစ် သင်ခန်းစာတစ်ခု အသစ်ရတာပေါ့နော..။ :)

ပျော်ရွှင်ကြပါစေ။

ဝက်နံရိုးဆန်ပြုတ်

တစ်ခါတုန်းက ဆယ်ကျော်သက်ကောင်မလေးနှစ်ယောက် ကွန်ပျူတာသင်တန်းကျောင်းတစ်ခုမှာ ဆရာမအဖြစ် အတူတူ အလုပ်လုပ်ရင်း အလွန်ခင်မင်ရင်းနှီးခဲ့ကြပါတယ်။

သူတို့နှစ်ယောက်က အကြိုက်လည်းတူပြီး တရုတ်ကားဇာတ်လမ်းတွဲတစ်ခုကို အရူးအမူး အသည်းအသန်ကြိုက်တာ ဘယ်လောက်တောင်ဆိုးသလဲဆို.. မိုးထဲလေထဲ မလျှော့သောဇွဲနဲ့ အခွေငှားခြင်း၊ အပ်ခြင်းအမှုကို မှန်မှန်ကြီးပြုပြီး တစ်ယောက်ကဖျား၊ တစ်ယောက်က ဆေးရုံရောက်တဲ့အထိကို ဖြစ်ပါလေရော။

ဖျားတဲ့ တစ်ယောက် အဖျားပျောက်တော့ ဆေးရုံရောက်နေတဲ့ သူငယ်ချင်းကို သွားကြည့်ရင်း နောက်နေ့ သူ့အတွက် ဆန်ပြုတ်ပြုတ်ယူသွားပေးတယ်။ ဆန်ပြုတ်က တော်တော်မွှေးပြီး သောက်ကောင်းတော့ သူက တော်တော်ကြိုက်တယ်။ အဲ့ဒါနဲ့ ဟိုနေ့က စကားပြောဖြစ်ကြရင်း ဆန်ပြုတ်သောက်ချင်တယ်ပြောလို့ နောက်နေ့မှာ အိမ်မှာ ရှိတာနဲ့ ပြုတ်လိုက်တာ.. ရုပ်ပျက်ဆင်းပျက် ဆန်ပြုတ်တစ်ခွက်ဖြစ်သွားတာနဲ့ မတင်သေးဘဲ ကောင်းကောင်းမွန်မွန်ချက်ပြီးမှ တင်မယ်လုပ်လိုက်တာ.. အခုဆို တစ်လလောက်တောင် ရှိတော့မယ်။ အခုတော့ တကယ်ကြီးကို ချက်ပြီး တင်လိုက်ပါပြီ။ ကိုယ်တိုင်ချက်တာတော့ မဟုတ်ပါဘူး။ အစ်မတော် ရန်ကုန်က လာလည်တုန်း ချက်ပေးတာ။ ချက်နည်းကတော့ ကိုယ်တိုင် တစ်ဆင့်ချင်း သေချာပြောထားတာမို့ ကိုယ်တိုင်ချက်သလိုပါပဲ။ ငဆုရေ.. စိတ်မဆိုးနဲ့နော်..။

အရင်ဆုံး ရေကို ကြက်သွန်ဖြူ ဒါးပြားရိုက်ထားတာနဲ့ ဆူအောင် ပြုတ်ပါတယ်။ ဂျင်းရှိရင် ပါးပါးလှီး၊ ထည့်ပြုတ်ရင် ပိုကောင်းပါတယ်။ အိမ်မှာတော့ ဂျင်းမရှိလို့ မထည့်ဖြစ်ပါ။

ဝက်နံရိုးကို ပွက်ပွက်ဆူနေတဲ့ အိုးထဲ ထည့်ပြီး နူးနေအောင်ပြုတ်ပါ။

ဆန်ကို ရေများများနဲ့ ထမင်းပေါင်းအိုးထဲထည့်ပြီး ဆန်လုံးကွဲအောင် ပြုတ်ထားပါ။

ဆီအိုးတည်ပြီး ထောင်းထားတဲ့ ကြက်သွန်ဖြူကို ဆီသတ်ပါ။ ပြီးရင် ဝက်နံရိုးပြုတ် ထည့်ပါ။ ငံပြာရည်အကြည် ဟင်းချက်ဇွန်းနဲ့ တစ်ဇွန်းထည့်ပါ။ ငံပြာရည်ထည့်ပြီးတာနဲ့ ဆန်ပြုတ်ရည်ထည့်၊ သမအောင်မွှေပြီး ပွက်ရင် မီးပိတ်ထားလို့ ရပါပြီ။

ငံပြာရည်နဲ့ ကြက်သွန်ဖြူ+အသား ဆီသတ်ထားတာနဲ့ တွေ့တဲ့အခါ အလွန်မွှေးသွားပါတယ်။

ငရုတ်ကောင်းကြိုက်တတ်ရင် စားခါနီး ဖြူးစားပါ။ အစာအိမ်သမားတွေအတွက်တော့ မထည့်တာ ကောင်းပါတယ်။

အင်ဥဟင်း

ချစ်သူငယ်ချင်းကြီး ငဆု တောင်းဆိုထားတဲ့ ဆန်ပြုတ် မတင်ရမခြင်း တစ်ခြားဘာမှ မတင်သေးဘူးလို့ ဆုံးဖြတ်ထားတဲ့အတွက် ဆန်ပြုတ်ပြုတ်ပြီးမှ ကျန်တာတွေကို ဆက်တင်ဖြစ်ပါမယ်။

ဒါကတော့ အိမ်က အစ်မတော် ချက်ကြွေးတဲ့ အင်မတန်အရသာရှိတဲ့ အင်ဥဟင်း၊ ချက်နည်းလည်း သူကိုယ်တိုင်ရေးပေးထားတာမို့ တင်လိုက်ပါတယ်။

----------------------------------------------------------------------------------

ဒီမှာနေလာတဲ့ သုံးနှစ်ကျော်အတွင်းမှာ ပထမဆုံးအကြိမ် အင်ဥကို တွေ့ တာပါပဲ။

အိမ်မှာ အင်ဥချက်ရင် အမေက ဘယ်တော့မှ မချက်ခိုင်းချင်ဘူး။ တစ်ပိဿာ ချက်ရင် ငါးဆယ်သားတောင် အနိုင်နိုင်ကျန်တတ်လို့ပါ။ ချက်ရင်းနဲ့ မြည်းတယ်ဆိုပြီး စား စား ပစ်လိုက်လို့ ။

ဟင်းမြည်း ချင်လို့ သာချက်ချင်တာ။ အင်ဥကိုတော့လုံးဝမဆေးချင်ဘူး။ တစ်လုံးချင်းဆေးရတာ တော်တော်မသက်သာတဲ့အလုပ်။ အဲဒီ တစ်လုံးချင်းကို လေးခါလောက်ဆေးမှ တော်ရုံကျတာ။ မဟုတ်ရင် သဲတရှပ်ရှပ်နဲ့ လုံးဝစားလို့မကောင်းဘူး။

ပြီးရင် ပါးပါးလှီးရသေးတယ်။ အထဲမှာ အနှစ်က အဖြူရောင် နဲ့  အမဲရောင် နှစ်မျိူးရှိတယ်။

တခါသား အဖွားက ဟင်းကူပြီးချက်ပေးမယ်ဆိုပြီး မီးဖိုထဲဝင်လာရော။ အင်ဥလှီးနေတာလဲတွေ့ရော ကျွန်မကို ဟဲ့ မကောင်းတဲ့အမဲတွေကို ဘာလို့ ထည့်လှီးနေတာလဲတဲ့။ သူအင်ဥကို မသိတာ တော်တော်လေးအံ့သြသွားမိတယ်။ အဖွားက မော်လမြိုင်လဲ မော်လမြိုင်သူ ၊ ဟင်းချက်လဲအရမ်းကောင်းတဲ့သူလေ။ အင်းလေ မော်လမြိုင်မှာ အင်ဥမရှိလို့နေမှာပေါ့။

သီး သီး တုန်းကလဲတခါ အသီးခွဲကြည့်တော့ အထဲမှာ မဲကုန်ဘီဆိုပီး လွှင့်ပစ်တာလေ။ သီး သီး အရမ်းကြိုက်တဲ့ ကျွန်မ တော်တော်ငိုချင်သွားတယ်။

အင်ဥအကြောင်းကနေ ဘေးရောက်ကုန်ပါဘီလေ။ ပြန်ဆက်ရရင်က ဒီမှာ ကျွန်မတွေ့ ခဲ့တဲ့အင်ဥက ရေကို ပြောင်အောင်ဆေးပြီးသားတွေ။ တော်တော်လေးတော့ ၀မ်းသာသွားတယ်။

အိမ်ပြန်ရောက်တော့ ရေတခါလောက်အာပတ်လွတ် ထပ်ဆေး၊ ပါးပါးလှီးထား။ ကြက်သွန်ဖြူ နီထောင်း၊ ဆနွင်းထည့် ဆီသတ်၊ ခရမ်းချဉ်သီးထည့်၊ အရောင်တင်မှုန့်ထည့်။ ခရမ်းချဉ်သီးလိပ်ပြီဆို လှီးထားတဲ့အင်ဥထည့်။ အပေါ့အငန် လိုသလိုမြည်း၊ ရေထည့်ပြီး ခန်းအောင်တည်။ လိုသေးရင် ရေထပ်ထည့်ပါ။

ဒီကအင်ဥမှာ ပြောစရာတခုရှိတာက မြန်မာပြည်က အင်ဥလို မနုပါဘူး။ သားရေဖတ်နဲ့  နည်းနည်းဆင်တယ်။ ဒါပေမယ့်လည်း အလွမ်းပြေ ရှားရှားပါးပါး လူတကာ မနာလိုဖြစ်ရတဲ့ဟင်းတော့ စားလိုက်ရတာပေါ့လေ။

မျှစ်ထောင်း

မနေ့က မစန္ဒကူးဘလော့ဂ်မှာ မျှစ်ထောင်းပုံထောင်းနည်းတွေ့တာနဲ့ အိမ်မှာလည်း မျှစ်သုပ်တုန်းက မျှစ်တစ်ဝက်လောက် ကျန်တာ အတော်ပဲဆိုပြီး မျှစ်ထောင်းစမ်းလုပ်ဖြစ်ပါတယ်။

မျှစ်ထောင်းလုပ်ဖို့ လိုအပ်တဲ့ ပစ္စည်းတွေကတော့ ငရုတ်သီးစိမ်း ၁၅တောင့်၊ ကြက်သွန်ဖြူ ၄မြှောင့်၊ ပုစွန်ခြောက် အနည်းငယ်၊ ငပိလက်တစ်ဆစ်၊ မြေပဲဆံလှော်နဲ့ မျှစ်ပြုတ်တို့ ဖြစ်ပါတယ်။

မျှစ်ထောင်းပုံက အထက်ပါ ပစ္စည်းတွေကို တစ်မျိုးစီ အစဉ်အတိုင်းထည့်ပြီး ညက်အောင်ထောင်းပါ။ ဆားထည့်ပါ။ နှံ့ပြီဆိုရင် ပန်းကန်ထဲထည့် ဆီစိမ်းဆမ်းပြီး စားလို့ရပါပြီ။

ထမင်းပူပူ၊ ရေနွေးကြမ်းလေးနဲ့ ဒီတစ်မျိုးထဲ စားရင်တောင် တော်တော်စားမြိန်ပါတယ်။

ခရမ်းသီးနှပ်

ခရမ်းသီးမစားဖြစ်တာ ကြာနေတာကြောင့်ရော ဈေးမှာ လတ်တတ်ဆတ်ဆတ် ခရမ်းသီးတွေ တွေ့တာကြောင့်ရော ခရမ်းသီးနှပ်ဖြစ်ပါတယ်။

ခရမ်းသီးနှပ်ဖို့ ပုစွန်ခြောက် လက်တစ်ဆုပ်လောက်၊ ငပိလက်နှစ်ဆစ်၊ ခရမ်းချဉ်သီး နှစ်လုံး၊ ကြက်သွန်နီ တစ်ဥ၊ ကြက်သွန်ဖြူ သုံးမြှောင့်တို့ လိုအပ်ပါတယ်။

အရင်ဆုံး ကြက်သွန်ဖြူ၊ ကြက်သွန်နီနဲ့ ခရမ်းချဉ်သီး ပါးပါးလှီးထားတာတွေကို တစ်ခုချင်းစီ အစဉ်လိုက်ထည့်ပြီး ဆီသတ်ပါတယ်။ အစပ်စားရင် ငရုတ်သီး အကြမ်းဖတ် (သို့) ငရုတ်သီးစိမ်းတွေ ထောင်းထည့်ပါ။

ဆီသတ်လို့ ကျက်ပြီဆိုရင် ထောင်းထားတဲ့ ပုစွန်ခြောက်ထည့်၊ ငပိထည့်ပြီး သမပြီဆိုရင် အရွယ်တော် တုံးထားတဲ့ ခရမ်းသီးတွေထည့်၊ ဆားသင့်ရုံထည့်၊ ရေအနည်းငယ်ထည့် ရောမွှေပြီး အိုးအဖုံးခဏပိတ်ထားပါ။ ဟင်းအိုးကို မကပ်အောင် မကြာမကြာမွှေပေးပါ။ ရေခမ်းလို့ ဆီပြန်လာပြီဆိုရင်တော့ ခရမ်းသီးနှပ် တစ်ခွက် ရပါပြီ။

မှို၊ ပဲသီး၊ ဝက်သားလုံးကြော်

မနေ့က ကြော်ထားတဲ့ ဝက်သားလုံးတွေရှိတာနဲ့ ဟိုတစ်နေ့က ဝယ်ထားတဲ့ မှိုနဲ့ ဘိုစားပဲသီးကို ရောပြီး ဟင်းတစ်ခွက်ဖြစ်အောင် ကြော်လိုက်ပါတယ်။

အရင်ဆုံး ဘိုစားပဲသီးကို ရေဆေးပြီး ဘေးက အမျှင်တွေ သင်ပါတယ်။ အမျှင်တွေ မဖယ်ရင် စားတဲ့အခါ ရင့်သလို ဖြစ်လို့ပါ။ ပြီးရင် ပဲသီးတွေကို ခပ်စောင်းစောင်းအနေနဲ့ တစ်ဝက်စီ ပိုင်းလိုက်ပါတယ်။

ရေဆေးပြီးသား မှိုကို တစ်စောင်းအနေနဲ့ ခပ်ပါးပါးလှီးထားပါတယ်။

ဝက်သားလုံးတွေကိုလည်း လေးပိုင်းလောက် ဒေါင်လိုက်လှီးထားပါတယ်။ အလုံးလိုက်ဆိုရင် အသီး၊အရွက်တွေနဲ့ မသမမှာစိုးလို့ပါ။

ဆီအိုးတည်ပြီး ဝက်သားကို အရင်ထည့်ကြော်ပါတယ်။ ခပ်ကြွတ်ကြွတ်အနေရရင် ပဲသီးနဲ့ မှိုကို ထည့်၊ ရေနည်းနည်းထည့်၊ ပဲငံပြာရည် အကြည် နည်းနည်းထည့်ပြီး ရောမွှေကြော်ပါ။

ပဲသီးနဲ့ မှိုကျက်ပြီး ရေခန်းလို့ ဆီနည်းနည်းပြန်လာပြီဆိုရင် မီးပိတ်ပြီး အဖုံးခဏအုပ်ထားပါ။ ၁မိနစ်လောက်နေရင် မွှေးကြိုင်ပြီး အရသာရှိတဲ့ ဟင်းတစ်ခွက်ကို သုံးဆောင်နိုင်ပါပြီ။

အာလူး ဝက်သားလုံးကြော်

အိမ်မှာ အာလူးတွေ ဝယ်ထားတာ ကြာပြီ။ ဘာမှလည်း မလုပ်ဖြစ်ဘူး။ အဲ့ဒါနဲ့ ဝက်သားလုံးကြော်တဲ့အထဲ ထည့်ကြော်လိုက်မယ်လို့ စိတ်ကူးရလို့ အခုလို ကြော်ဖြစ်လိုက်ပါတယ်။

အရင်ဆုံး အာလူးကို စကာစိတ်သလို ခပ်သေးသေးလေးတွေဖြစ်အောင် လှီးထားလိုက်တယ်။

ဝက်သား ကြိတ်သားကို အကြော်မှုန့် သင့်ရုံထည့်၊ ငရုတ်ကောင်းမှုန့်ထည့်၊ အာလူးတွေထည့်၊ ဘဲဥတစ်လုံး ခေါက်ထားတာကို ထည့်ပြီး သမအောင် ရောနယ်ပါတယ်။

ဒီက မောလ်တွေမှာ ဝယ်တဲ့ ကြိတ်ပြီးသား အသားတွေက အရသာထည့်ပြီးသားမို့ ဘာမှ ထပ်ထည့်စရာ မလိုပါဘူး။ ထည့်လိုက်ရင် ငံသွားတတ်ပါတယ်။

ဆီအိုးတည်ပြီး ဆီပူလာရင် ဇွန်းလေးနဲ့ ခပ်ခပ်ထည့်ပြီး အိုးထဲဆီရှိသလောက်ထဲမှာ ပြည့်အောင် စီထည့်လိုက်ပါ။ အိုးကို လှုပ်ကြည့်လို့ အသားတုံးလေးတွေ ရွေ့လိုက်လာရင် ဟိုဘက်၊ ဒီဘက်လှန်ပေးပါ။

နှစ်ဘက်လုံး ညိုဝါရောင်သန်းလာပြီဆိုရင် ဆယ်ယူပြီး ဆီစစ်ဇကာထဲထည့် ဆီစစ်ထားပါ။ ဇကာမသုံးတဲ့သူများ တစ်သျှူးအမာစားခံထားတဲ့ ပန်းကန်ထဲထည့်ပြီး ဆီစစ်လည်း ရပါတယ်။ ဆီများရင် စားမကောင်းမှာ စိုးလို့ပါ။

အားလုံးပြီးရင်တော့ ဆီ၊ ဆားနယ်ထားတဲ့ ထမင်းပူပူလေးနဲ့ တွဲဖက်သုံးဆောင်နိုင်ပါပြီ။ အချဉ်ကြိုက်တတ်ရင် ပုလင်း ငရုတ်ဆီလေးနဲ့ စားလို့ ရပါတယ်။

ခေါက်ဆွဲပြုတ်

ပြီးခဲ့တဲ့ စနေနေ့က နေ့လည်စာစားတာ နောက်ကျသွားတာနဲ့ ညစာစားဖို့ ဗိုက်ဆာတဲ့အချိန်က ၇နာရီ၊ ၈နာရီလောက် ရှိနေပြီ။ အဲ့ဒါနဲ့ လွယ်လွယ်ကူကူ ခေါက်ဆွဲပြုတ်ပဲ စားတော့မယ်လို့ တိုင်ပင်ပြီး သဘောတူလိုက်ကြတယ်။

ခေါက်ဆွဲပြုတ်ကို ဒီအတိုင်း ပြုတ်စားရတာ မကြိုက်လို့ ဘာလေး ညာလေး ထည့်ပြုတ်ဖို့ ကြည့်လိုက်တော့ ခရမ်းချဉ်သီးနဲ့ ပြောင်းဖူးကလွဲရင် ဘာမှကို မရှိဘူး။

အဲ့ဒါနဲ့ပဲ အသီးအရွက်မပါရင်တောင် ရှိတဲ့ အသားလေးတွေ ထည့်လိုက်မယ်ဆိုပြီး.. ကြက်မြစ်ကို ပါးပါးလှီး၊ ဆီပူထဲ ထည့်ကြော်၊ ဝက်သားစင်းကောနဲ့ ကြက်ဥနဲ့ ရောကြော်၊ ပြုတ်ထားတဲ့ အသင့်စား ခေါက်ဆွဲအိုးထဲထည့် ရောမွှေလိုက်တော့ သာမန်ထက် နည်းနည်းပိုကောင်းတဲ့ ခေါက်ဆွဲပြုတ် တစ်ပန်းကန် ရပါလေရော။

ခုနောက်ပိုင်း ချက်သမျှနီးပါး ဘလော့ဂ်ပေါ်တင်နေတာ အကျင့်ပါပြီး ဒီဘာမဟုတ်တဲ့ ခေါက်ဆွဲပြုတ်လေးလည်း တင်လိုက်ပါဦးမယ်ဆိုပြီး ဓါတ်ပုံရိုက်လိုက်ပါတယ်။ ချက်ခဲ့သမျှထဲက အမြန်ဆုံး စားစရာလေးပါ။

မုန့်ဟင်းခါးသုပ်

ဒီနေ့ ကျောင်းနားကို သူငယ်ချင်းတစ်ယောက်ဆီက လူကြုံပစ္စည်းသွားယူဖို့ ရောက်သွားတယ်။ အပြင်သွားလိုက်ရင် အိမ်မှာ ထမင်း၊ ဟင်းချက်ဖို့က ပျင်းပျင်းသွားလို့ လွယ်လွယ်ကူကူလည်းဖြစ်၊ မြန်လည်းမြန်တဲ့ မုန့်ဟင်းခါးပဲ ချက်စားတော့မယ်ဆိုပြီး ကျောင်းနားကဈေးကနေ မုန့်ဟင်းခါးမုန့်ဖတ်ဝယ်လာပြီး အိမ်ပြန်ရောက်တော့ မြောင်းမြဒေါ်ချိုအထုပ်ဖောက်ချက်လိုက်တယ်။

တကယ်တမ်းက မုန့်ဟင်းခါးအထုပ်ကို မြောင်းမြဒေါ်ချိုနဲ့ စံပြဒေါ်ကြည်ဆိုရင် သိပ်မကြိုက်တော့ဘူး။ စားခဲ့ရတာလည်း ၃နှစ်နီးပါးရှိနေပြီဆိုတော့လေ။ ခင်ထွေးရီ ဒါမှမဟုတ် တင်တင်အေးစားချင်တယ်လို့ မှာလိုက်တာ.. မေမေက အဲဒါတွေ မတွေ့လို့ မြောင်းမြဒေါ်ချိုပဲ ထည့်ပေးလိုက်တယ်တဲ့။ ဘာပဲဖြစ်ဖြစ် မုန့်ဟင်းခါးဖြစ်ရင် ပြီးတာပဲလို့ သဘောထားပြီး ချက်စားလိုက်တယ်။ အဆင်သင့်ချက်စရာရှိတာပဲ တော်လှပြီ။

ခုအချိန်ထိ တစ်ခါမှ မုန့်ဟင်းခါးကို ကိုယ့်ဖာသာကိုယ် အစအဆုံး ချက်မစားဖူးသေးဘူး။ တစ်နေ့နေ့တော့ စမ်းသပ်ပြီး ချက်ကြည့်ချင်ပါသေးတယ်။ ထုံးစံအတိုင်း သူများ ဘလော့လေးတွေ သွားကြည့်ပြီးတော့ပဲ ချက်ရမှာပဲ။

အထုပ်ဖောက်ချက်တာကတော့ ကြက်ဥပြုတ်ထက်တောင် လွယ်သေးတယ်။ ကြက်ဥပြုတ်ကမှ အပြုတ်လွန်တာတို့၊ မကျက်သေးတာတို့၊ အခွံခွာရခက်တာတို့ ဖြစ်နေဦးမယ်။

အရင်ဆုံး ရေနွေးအိုးတည်၊ ပွက်ရင် ငါးထုပ်ဖောက်ထည့်၊ ပွက်ရင် ဆန်လှော်မှုန့် ရေဖျော်ထားတာထည့်၊ ကြက်သွန်နီဥသေးနဲ့ ကြက်သွန်ဖြူဓါးပြားရိုက်ထားတာကို ကြိုက်တတ်ရင်ထည့်၊ ကြက်ဥကို ခေါက်ထားတာကို အမျှင်လေးတွေဖြစ်အောင် ပွက်တဲ့အချိန် နဲနဲချင်းဆီလောင်းထည့်၊ ကြက်ဥဖြစ်ဖြစ်၊ ဘဲဥဖြစ်ဖြစ် ပြုတ်ထားတာကို ပါးပါးလှီးထည့်လိုက်ရင် ဟင်းရည်အိုးရပြီ။ ငရုတ်ကောင်းစားရင် နောက်ဆုံးမှထည့်လိုက်။ ဒါပဲ။

ဒီနေ့တော့ ချက်တာက အရမ်းကို ဖြစ်ကတတ်ဆန်းနိုင်လွန်းလို့ မုန့်ဟင်းခါးကို ဓါတ်ပုံရိုက်ပြီး မတင်တော့ဘူး။ အစ်မက မုန့်ဟင်းခါးသိပ်ကြိုက်တာမဟုတ်လို့ သူ့အတွက် သုပ်ပေးလိုက်တဲ့ မုန့်ဖတ်သုပ်လေးပဲ တင်လိုက်ပါတယ်။

သုပ်ပုံကတော့ မုန့်ဖတ်၊ ဆီချက်၊ ကုလားပဲအကျက်မှုန့်၊ ငံပြာရည်နဲ့ နှမ်းထောင်းကို ရောပြီး ခပ်ဖွဖွ၊ နှံ့နှံ့စပ်စပ်နယ်လိုက်ရုံပါပဲ။ အချဉ်၊ အစပ်ကြိုက်တတ်ရင် မကျည်းမှည့်ရည်ဖြစ်ဖြစ်၊ သံပုရာရည်ဖြစ်ဖြစ်ထည့်၊ ငရုတ်သီးမှုန့်ထည့်နယ်ပါ။ နှမ်းထောင်းကတော့ အိမ်မှာ အသင့်ရှိနေလို့ ထည့်လိုက်တာပါ။ နှမ်းက နက်နေတော့ မီးသွေးမှုန့်တွေ ထည့်ထားတာလိုပဲ ဖြစ်နေတယ်။ ဟီး။ ဒါပေမယ့် စားရှာတာပါပဲ။ တစ်ခြားဟာမှ မရှိတာကိုး။ စားလို့ ကောင်းတယ်လို့တော့ ပြောတယ်။ နောက်မှ သေချာချက်ဖြစ်ရင် ဓါတ်ပုံ ကောင်းကောင်းလေးရိုက်ပြီး တင်ပါမယ်။

ကောက်ညှင်းပေါင်း၊ နှမ်းထောင်းနှင့် အကြော်

ဒီနေ့ စနေနေ့မို့ ရုံးသွားစရာမလိုတော့ မနက်စာ အေးအေးဆေးဆေး လုပ်ဖို့ အချိန်ရလို့ ကောက်ညှင်းဆန်တွေ ရှိနေတာနဲ့ ကောက်ညှင်းပေါင်းလိုက်တယ်။ ပေါင်းတယ်ဆိုပေမယ့် ထမင်းပေါင်းအိုးနဲ့ ပုံမှန်ရေထည့်သလောက်ပဲ ထည့်ချက်လိုက်တာပါ။



ဟိုး ပဝေသဏီကတည်းက ဝယ်ထားတဲ့ နှမ်းနက်လည်း အဆင်သင့်ရှိနေတော့ နှမ်းကို လှော်ပြီး၊ ထောင်းထားလိုက်တယ်။ ကောက်ညှင်းပေါင်းက နှမ်းထောင်းလေးနဲ့မှ စားလို့ ကောင်းတာဆိုတော့လေ။



မနေ့က ကြက်သွန်နီဆီချက် ချက်ထားတာလည်း ရှိနေတော့ ကြက်သွန်နီကြော်လေးနဲ့လည်း တွဲစားလို့ ရတယ်။





အကြော်ကို ပြောင်းဖူးပဲ ကြော်လိုက်တယ်။ မစားဖြစ်တာ ကြာပြီမို့လို့။ အရင်ကလည်း ပြောင်းဖူးကြော်အကြောင်း ရေးဖူးပါတယ်။ ဒီတစ်ခါတော့ ပိုလွယ်အောင် ပြောင်းဖူးအစေ့ခြွေ၊ အကြော်မှုန့် သင့်ရုံထည့်၊ ရေနဲနဲထည့်၊ ဆားထည့်ပြီး ဆီပူအိုးထဲ တစ်ချပ်ပြီး တစ်ချပ်ထည့်ကြော်လိုက်ပါတယ်။ ရေသိပ်များသွားရင် ကြော်တာ သိပ်အဆင်မပြေတတ်လို့ နဲနဲပဲ ထည့်ပါ။



အားလုံးပြီးတော့ ကော်ဖီတစ်ခွက်နဲ့ ကောက်ညှင်းပေါင်း၊ နှမ်းထောင်း၊ ဆီချက်၊ ပြောင်းဖူကြော်လေးနဲ့ မနက်စာကို ဇိမ်ယူသုံးဆောင်လိုက်ပါတယ်။

ကြက်သားဟင်း

နိုင်ငံရေး မတည်ငြိမ်လို့ ရုံးတွေပိတ်ထားတော့ တစ်နေ့၊ တစ်နေ့ ဘာချက်ရင်ကောင်းမလဲပဲ စဉ်းစားနေမိတယ်။ စိတ်က အစားအသောက်ဆိုရင် အရမ်းဝင်စားတာဆိုတော့လေ။

အဲဒီ့နေ့က ကြက်သားနဲ့ အာလူးဟင်း ချက်ဖြစ်တယ်။ ချက်ရင်းနဲ့ စိတ်ကူးပေါက်လို့ မွှေးအောင်ဆိုပြီး ငရုတ်သီးစိမ်းခြောက်တောင့်လောက် ထောင်းထည့်လိုက်တယ်။ စိတ်ထဲမှာ ထင်နေတာက ဟင်းထဲကို ငရုတ်သီးထောင်းထည့်လိုက်ရင် အဲ့ဒါ ကချင်ချက်ဖြစ်သွားပြီပေါ့။ အစ်မကိုလည်း ပြောလိုက်သေးတယ်.. ကြက်ကချင်ချက် ချက်ပြီးပြီလို့။

ဟင်းချက်နည်းတွေနဲ့ ပတ်သတ်လို့ ကျမထင်ခဲ့တာက (ခုထိလည်း ထင်နေတုန်းပဲ၊ =D) ငရုတ်သီးစိမ်း ထောင်းထည့်ရင် - ကချင်၊
ဂျင်းတွေ အသားထဲကို သေးသေးနုတ်နုတ်လှီးထည့်ရင် - ကယား၊
ဆန်လှော်တွေ၊ မျှစ်တွေနဲ့ အရည်စပ်စပ်ချက်ရင် - ကရင်၊
မရမ်းပြားခြောက်တွေ၊ ငပိစိမ်းစားတွေနဲ့ ချက်ရင် - မွန်၊
ငပိနဲ့ ဟင်းတွေကို လုံးချက်ရင် - ရခိုင် လို့ ဘယ်သူမှ ပြောလို့၊ ဘယ်စာအုပ်ထဲမှာမှ ဖတ်မိလို့ မဟုတ်ဘဲ ဘာကြောင့် ထင်မိထင်ရာ ထင်နေမှန်းကို မသိပါဘူး။

ငယ်ငယ်ကဆို သူများတွေနဲ့ မြန်မာနိုင်ငံရဲ့ ပထ၀ီအကြောင်း ပြောရင်လည်း ချောက်မြို့က စစ်ကိုင်းတိုင်းထဲကလိုလို၊ မြိတ်က မွန်ပြည်နယ်ကလိုလို ဇဝေဇ၀ါ၊ ထင်မိထင်ရာတွေ လျှောက်ပြောလွန်းလို့ အိမ်ကလူတွေက ပထ၀ီ ပါမောက္ခကြီးလို့ နာမည်ပေးထားခဲ့ကြတာ။ ရေရေရာရာမရှိဘဲ ရောယောင်လုပ်တာက ကလေးကတည်းကပဲ။

သူများ ဘလော့တွေ သွားဖတ်တုန်းက ကြက်ကချင်ချက်ကို ဖတ်ဖူးတယ်။ ငရုတ်သီးစိမ်း ထောင်းထည့်တာပဲ စိတ်ထဲမှာ မှတ်မှတ်ထင်ထင်ရှိနေတယ်။ မမိုးကောင်းသူလား၊ မြူးသျှရီလား၊ မလုလုလား မမှတ်မိတော့ဘူး။

အဲ့ဒီတုန်းကလည်း စားပြီးတော့မှ ကြက်ကချင်ချက်အစစ်က ငါချက်တာနဲ့ တူရဲ့လား သွားကြည့်ကြည့်လိုက်ပါဦးမယ် ဆိုပြီး မမိုးကောင်းသူဆီမှာ ကြည့်လိုက်တော့မှ ... နဲနဲမှကို မတူတာ။ ရှက်ချင်သလိုလိုတောင် ဖြစ်သွားတယ်။ =D

ကဲ.. ဘာချက်ပဲဖြစ်ဖြစ် စားလို့ ရဖို့က အရေးကြီးတာဆိုတော့ စချက်ဖို့ ပြင်တဲ့အဆင့်ကို ပြောပါတော့မယ်။ ဟင်းချက်ဖို့ လိုအပ်တဲ့ ပါဝင်ပစ္စည်းတွေက..

ကြက်သား - ကီလိုဝက်
ကြက်သွန်နီ - နှစ်ဥ (အရွယ် အလတ်)
ကြက်သွန်ဖြူ - သုံးမြှောင့်
ခရမ်းချဉ်သီး - နှစ်လုံး
အာလူးသီး - တစ်လုံး (ခပ်ကြီးကြီး)
ငရုတ်သီးစိမ်း - ငါးတောင့်
ငရုတ်သီးအရောင်တင်မှုန့် - တစ်ဇွန်းခွဲ (ထမင်းစားဇွန်း)
ငံပြာရည် - တစ်ဇွန်း (ထမင်းစားဇွန်း)
ဆား - အနည်းငယ်
အချိုမှုန့် - အနည်းငယ်

ကြက်သားကို ရေစင်အောင် ဆေးပါ။

ဟင်းအနှစ်အတွက် ကြက်သွန်နီ၊ ကြက်သွန်ဖြူနဲ့ ငရုတ်သီးအရောင်တင်မှုန့်ကို ရောပြီး ညက်အောင်ထောင်းထားပါ။

ခရမ်းချဉ်သီး ပါးပါးလှီးထားပါ။

အာလူးသီးကို အတုံးလေးတွေ တုံးထားပါ။ (စာကြွင်းအနေနဲ့ တစ်ခါက ဟင်းချက်နည်းရေးရင်းနဲ့ အာလူးသီးလို့ ရေးလို့ သူများလှောင်တာ ခံရဖူးပါတယ်။ ဘာပဲဖြစ်ဖြစ် အမြဲတမ်း အာလူးသီးလို့ ခေါ်နေကြဖြစ်နေလို့ မြေမှာဥပေမယ့် အာလူးဥလို့ မရေးဘဲ အာလူးသီးလို့ပဲ ရေးပါရစေ။)

ထောင်းထားတာတွေထဲက တစ်ဇွန်းလောက်ယူပြီး ဆား၊ အချိုမှုန့်၊ ငံပြာရည်တို့နဲ့ ကြက်သားကို ရောနယ်ပြီး ခဏထားပါ။

ဆီအိုးတည်ပြီး ဆီကျက်ရင် ဟင်းအနှစ်တွေကို ဆီသတ်ပါ။

ကျက်ရင် ပါးပါးလှီးထားတဲ့ ခရမ်းချဉ်သီး ထည့်ပြီး အခွံလိတ်အောင် ဆီသတ်ပါ။

အာလူးတုံးလေးတွေထည့်ပါ။

ပြီးရင် ရောနယ်ထားတဲ့ ကြက်သားကို ထည့်ပြီး မွှေပါ။

အိုးမကပ်ခင် ရေအနည်းငယ်ထည့်၊ ငရုတ်သီးစိမ်းထောင်းတာ ထည့်မွှေပြီး ဟင်းအိုး အဖုံးပိတ်ထားပါ။

အိုးမကပ်အောင် မကြာမကြာ မွှေပေးပါ။ ကြက်သားနဲ့ အာလူး မနူးသေးရင် ရေနည်းနည်းထပ်ထည့်ပြီး တည်ပါ။ ကျက်ပြီဆိုရင် ရေခန်းအောင်လုပ်ပြီး ဆီပြန်လာရင် ရပါပြီ။

မြန်မာဟင်းကြိုက်တတ်သူတွေအတွက် အင်မတန်စားမြိန်တဲ့ ဟင်းတစ်ခွက်ကို သုံးဆောင်နိုင်ပါပြီ။

မျှစ်သုတ်

ရာသီဥတုက ပူတော့ စားချင်၊ သောက်ချင်စိတ်က သိပ်မရှိဘူး ဖြစ်တတ်တယ်။ အဲဒီ့တော့ ခံတွင်းလိုက်အောင် မျှစ်သုတ်လေး လုပ်စားဖို့ စိတ်ကူးရလို့ ဟိုတစ်နေ့က ဈေးကနေ မျှစ်နုတစ်ထုပ် ၀ယ်လာခဲ့တယ်။

၁။ မျှစ်သုပ်ဖို့ အရင်ဆုံး မျှစ်တွေကို နူးအောင် ကြာကြာပြုတ်လိုက်တယ်။
မျှစ်နူးတော့ ဆယ်ပြီး သေးသေးမျှင်မျှင်လေးတွေဖြစ်အောင် ခက်ရင်း (သို့) အပ်ချိတ်နဲ့ ခြစ်ပါတယ်။
ခြစ်ပြီးသား မျှစ်တွေကို တစ်လက်မ အရွယ်လောက်အပိုင်းလေးတွေပိုင်းပြီး အဖန်ရည်တွေထွက်အောင် ညှစ်ထားပါ။

၂။ ကြက်သွန်နီ သုံးလုံးလောက် ပါးပါးလှီးပြီး တစ်လုံးစာလောက်ဖယ်၊ ရေဆေးပြီး ရေညှစ်ထားပါ။
ကျန်တဲ့ကြက်သွန်နီတွေကို ဆီချက်ချက်ထားပါ။

၃။ ပါးပါးလှီးထားတဲ့ ငရုတ်သီးစိမ်း၊ ကြက်သွန်နီအစိမ်းနဲ့ မျှစ်တို့ကို သုပ်မယ့်ပန်းကန်ထဲ ထည့်ပြီး ပါးပွတ်လှီးထားတဲ့ သံပုရာသီး တစ်စိတ်၊ ဆား၊ အချိုမှုန့်၊ ငံပြာရည်၊ ပဲမှုန့်၊ ဆီချက်တို့ စိတ်ကြိုက်ထည့်ပြီး သမအောင် နယ်ပါ။

အရသာ အရမ်းမပြင်းအောင်တော့ သတိထားပါ။ ဒီနေ့ သုပ်လိုက်တာ သံပုရာရည်များသွားလို့ ငံပြာရည်လိုက်ထည့်လိုက်၊ ပဲမှုန့်လိုက်ထည့်လိုက်နဲ့ အရင်တစ်ခါသုပ်တာလောက် စားမကောင်းဘူး ဖြစ်သွားတယ်။

၎။ အရသာ အနေတော်ဖြစ်ပြီဆိုရင် ကြက်သွန်နီကြော်ထည့်ပြီး ဖွဖွလေး ထပ်နယ်ပါ။

အစကတည်းက ထည့်နယ်ရင် ပျောက်သွားမှာ၊ ပျော့သွားမှာစိုးလို့။ ဘယ်သူမှ ပြောလို့တော့ မဟုတ်ပါဘူး။ ကိုယ့်ဘာသာကိုယ် ထင်လို့။ အဲလို ဖြစ်ချင်မှလည်း ဖြစ်မှာပါ။

၅။ မျှစ်သုတ်ကို ဟင်းပန်းကန်ထဲ ထည့်ပြီးရင် ကြက်သွန်နီကြော်လေး နည်းနည်းထပ်ဖြူးပြီး သုံးဆောင်လို့ ရပါပြီ။

ကြက်သွန်နီကြော်ဖြူးတာ များသွားတော့ မိုးကြိုးပစ် မျှစ်သုတ်ပုံ ဖြစ်သွားတယ်။ ကိုယ်တိုင်တောင် မျှစ်သုတ်ဟုတ်ရဲ့လားလို့ မနည်းကြည့်ယူလိုက်ရတယ်။ =D

ခေါက်ဆွဲကြော်

မနက်စာ ဘာစားရင်ကောင်းမလဲဆိုတာ နေ့တိုင်း အမြန်စဉ်းစားရတဲ့ ကိစ္စတစ်ခုပါ။ မြန်မြန်မစဉ်းစားရင် မနက်စာကနေ နေ့လည်စာဖြစ်သွားမှာ စိုးလို့။

အဲဒီ့နေ့က ရေခဲသေတ္တာထဲမှာလည်း ကညွတ်၊ ဘိုစားပဲသီး၊ မှိုနဲ့ ရန်ကုန်က ပို့ထားတဲ့ ၀က်သားဒုတ်ထိုးတွေ ရှိနေတာကြောင့် ခေါက်ဆွဲကြော် ကြော်စားဖြစ်သွားတယ်။

ဘယ်တော့မှ သူ့အဆင့်အတိုင်း မချက်တဲ့ကျမ ထုံးစံအတိုင်း အလွယ်နည်းလိုက်ပြီး အိုးကို ပူအောင်လုပ်၊ ပူရင် အရွယ်တော် လှီးထားတဲ့ ၀က်သားဒုတ်ထိုးတွေကို ထည့်ကြော်၊ ဒုတ်ထိုးမှာက အရည်လေး နဲနဲပါတော့ အဲ့ဒါပါထည့်လိုက်တယ်။

ပြီးတော့ ကညွတ်၊ ဘိုစားပဲသီး နဲ့ မှိုကို ရေဆေးပြီး လှီးဖြတ်ထားတာလေးကို ထည့်လိုက်တယ်။ အရသာအတွက် ဆားနဲ့ ပဲငံပြာရည် အနေတော်ထည့်ပြီး ကျက်တဲ့အထိကြော်လိုက်တယ်။

ပြုတ်ထားတဲ့ ခေါက်ဆွဲ ရေစစ်ထားပြီးသားကို ထည့်ပြီး အရသာဝင်သွားအောင် နှံ့နှံစပ်စပ်မွှေလိုက်ပြီးတဲ့အခါမှာတော့ မွှေးကြိုင်နေတဲ့ ခေါက်ဆွဲကြော် တစ်အိုး ရပါပြီ။

ပုစွန်ဟင်း

လိုအပ်သော ပါဝင်သည့် ပစ္စည်းများ

ပုစွန် - ကီလိုဝက်
ကြက်သွန်နီ - နှစ်ဥ (အရွယ် အလတ်)
ကြက်သွန်ဖြူ - သုံးမြှောင့်
ခရမ်းချဉ်သီး - ၂လုံး
ဂျင်း - လက်တစ်ဆစ်
ငရုတ်သီးစိမ်း - သုံးတောင့်
ငရုတ်သီးအရောင်တင်မှုန့် - တစ်ဇွန်းခွဲ (ထမင်းစားဇွန်း)
ငံပြာရည် - တစ်ဇွန်း (ထမင်းစားဇွန်း)
ဆား - အနည်းငယ်
အချိုမှုန့် - အနည်းငယ်

၁။ ပုစွန်ကို ရေစင်အောင် ဆေးပါ။ ခေါင်း၊ အခွံနဲ့ အညစ်အကြေးတွေ ဖယ်ပါ။

၂။ ဟင်းအနှစ်အတွက် ကြက်သွန်နီ၊ ကြက်သွန်ဖြူ၊ ဂျင်း၊ ငရုတ်သီးစိမ်း၊ ငရုတ်သီးအရောင်တင်မှုန့်ကို ရောပြီး ညက်အောင်ထောင်းထားပါ။ ခရမ်းချဉ်သီးကို ပါးပါးလှီးထားပါ။

၃။ ထောင်းထားတာတွေထဲက တစ်ဇွန်းလောက်ယူပြီး ဆား၊ အချိုမှုန့်၊ ငံပြာရည်တို့နဲ့ ပုစွန်ကို ရောနယ်ပြီး ခဏထားပါ။

၎။ ဆီအိုးတည်ပြီး ဆီကျက်ရင် ဟင်းအနှစ်တွေကို ဆီသတ်ပါ။

၅။ ပြီးရင် ပုစွန်ကို ထည့်ပြီး မွှေပါ။ အိုးမကပ်ခင် ရေအနည်းငယ်ထည့်ပြီး ဟင်းအိုး အဖုံးပိတ်ထားပါ။ ဆီပြန်လာရင် ရပါပြီ။

တော်တော်လေး စားမြိန်တဲ့ မြန်မာဟင်းတစ်ခွက်ကို အရသာရှိရှိ သုံးဆောင်နိုင်ပါပြီ။

ချွင်းချက်။ ။ အစပ်မစားနိုင်သူများ ငရုတ်သီးစိမ်းကို ထည့်မထောင်းပါနဲ့။

ဘိုစားပဲသီးနှင့် ပုစွန်ကြော်

ဟင်းချက်တဲ့မြန်မာဘလော့တွေ တော်တော်များများရှိနေပြီး ကျမက မတောက်တစ်ခေါက်ပဲချက်တတ်တော့ ရေးရတာတောင် နဲနဲအားနာပါတယ်။ ဒါပေမယ့် စိတ်ဝင်တစားအလုပ်ဆုံးက ဒါပဲဆိုတော့ ဒါမှမရေးရင် ရေးစရာက သိပ်မရှိ၊ ရှိရင်လည်း အာရုံက သိပ်မ၀င်စားလို့ ဒီရက်ပိုင်း ဟင်းချက်တာတွေပဲ ဆက်ရေးဖြစ်ပါတယ်။

ဘိုစားပဲသီးနဲ့ ပုစွန်ကြော်က လွယ်မြန်ကောင်း ဟင်းတစ်ခွက်ပါ။

၁။ ဘိုစားပဲသီးကို ဘေးက အမျှင်တွေသင်ပြီး ခပ်စောင်းစောင်လေးတွေ လှီးထားပါ။
၂။ ခေါင်းဖြုတ်၊ အခွံနွှာထားပြီးသား ပုစွန်တွေကို ဆား၊ ဆနွင်းနယ်ထားပါ။
၃။ ကြက်သွန်ဖြူကို ထောင်းထားပါ။
၎။ ဆီအိုးတည်ပြီး ဆီကျက်ရင် ထောင်းထားတဲ့ ကြက်သွန်ဖြူထည့် ဆီသတ်ပါ။ ကြက်သွန်ဖြူလေးတွေက ခဏဆို ၀ါရောင်သန်းပြီး ကျက်ပါတယ်။
၅။ ပုစွန်တွေထည့်ပြီး ဆီထဲမှာ ခဏလှိမ့်ပေးပါ။ ပုစွန်ကလည်း အရမ်း အကျက်မြန်ပါတယ်။
၆။ နောက်ဆုံးမှာတော့ ဘိုစားပဲသီးထည့်၊ ဆား၊ ပဲငံပြာရည် အသင့်အတင့် ထည့်ကြော်ပြီး ကျက်ရင် မီးပိတ်လိုက်လို့ ရပါပြီ။ စိမ်းစိမ်းလေး စားချင်ရင်တော့ အိုးထဲမှာ ကြာကြာမထားဘဲ ပန်းကန်ထဲ ခပ်ထည့်ထားလိုက်ပါ။

အရသာရှိတဲ့ ဟင်းတစ်ခွက် ရပါပြီ။

ပြောင်းဖူးကြော်

ပြီးခဲ့တဲ့အပတ်က စနေ၊ တနင်္ဂနွေ အားလပ်ရက်မို့လို့ ချက်ဖြစ်တာလေးတွေကို ဘလော့ဂ်ပေါ်မှာ ပုံလေးတွေနဲ့ တင်ဦးမယ်ဆိုပြီး မတင်ဖြစ်တာ တစ်ပါတ်တောင် ရှိသွားပြီ။ အဲဒါနဲ့ အခုမှ ဖြစ်အောင်တင်ဦးမှပါဆိုပြီး ပျင်းတဲ့စိတ်ကို ကြိုးစားဖယ်ပြီး ရေးလိုက်ပါတယ်။



ပထမဆုံး လုပ်ဖြစ်တာက ပြောင်းဖူးကြော်ပါ။ အရမ်းလွယ်ပါတယ်။ လွယ်လွန်းလို့ မေ့တောင် မေ့ချင်နေပြီ.. ဘာတွေထည့်လဲဆိုတာ..။ ကြက်ဥအကာခေါက်ပြီး ထည့်မိသလား မမှတ်မိတော့ပါဘူး။

၁။ အရင်ဆုံး ပြောင်းဖူးတွေကို အစေ့ခြွေထားပါ။
၂။ ကော်မှုန့်သင့်ရုံကို ရေနဲ့ သေချာပျော်အောင်ဖျော်ပါ။
၃။ ကြော်ပြီးပြီးခြင်း မစားဖြစ်ရင် ပျော့မသွားဘဲ ကြွပ်နေအောင် ဆန်မှုန့်နဲနဲထည့်ဖျော်ပါ။
ဆားသင့်ရုံထည့်ပါ။

ပြီးရင် အားလုံးရောမွေထားပါ။ ကော်ရည်များလွန်းရင် ဒါမှမဟုတ် နည်းလွန်းရင် မကောင်းပါ။ မပျစ်၊ မကျဲ အနေတော်ဖြစ်နေရပါမယ်။

၎။ ဆီအိုးတည်ပြီး ဆီကျက်လို့ ပူလာရင် လက်ဖက်ရည်ပန်းကန်ပြားထဲ ပြောင်းဖူးနယ်ထားတာထည့်ပြီး အပြားလိုက်ဖြစ်အောင် လက်နဲ့ ညှိထားတာကို ဖြေးဖြေးခြင်း စောင်းထည့်ပါ။ ဆိုင်တွေမှာ ကြော်သလို အချပ်လိုက်လေးဖြစ်အောင် အိုးထဲကို ထည့်တဲ့အချိန်မှာ ထိန်းထည့်ပေးပါ။
ကျက်လောက်ပြီဆိုရင် အပေါ်အောက်လှန်ပြီး ရွှေဝါရောင်သန်းလာအောင် ကြော်ပါ။

၅။ ပြီးရင်တော့ ဆီစစ်ပြီး ပန်းကန်ထဲထည့် စားလို့ရပါပြီ။
၆။ အိမ်မှာတော့ အချဉ်ကို လွယ်လွယ်ကူကူ ပုလင်းငရုတ်ဆီနဲ့ပဲ စားပါတယ်။ အချဉ်ကောင်းကောင်းလုပ်စားချင်ရင် အမြန်ဆုံးက ငရုတ်သီး၊ ကြက်သွန်ဖြူ ညက်အောင်ထောင်းပြီး သံပရာရည်၊ ဆား၊ အချိုမှုန့်၊ ငရုတ်ဆီ ထည့်ရောလိုက်ရင် ပိုကောင်းတဲ့ အချဉ်တစ်ခွက် ရပါပြီ။



ဒီအာလူးကြော်ကတော့ ဆီအိုးကို ကြိုပြီးမီးမပိတ်မိလိုက်တော့ ဆီတွေက အရမ်းပူနေသေးတာနဲ့ အာလူးသီးတစ်လုံး ရေဆေး၊ ပါးပါးလှီးပြီး ထည့်ကြော်လိုက်တာပါ။ Bonus ဆိုပါတော့။ :)

ဆူရှီ

အိမ်မှာရှိသမျှ လူအကုန် ဆူရှီကို ကြိုက်ကြတော့ အကုန်အကျသက်သာအောင်နဲ့ ၀၀လင်လင်စားရအောင်ဆိုပြီး အိမ်မှာလုပ်စားဖြစ်တယ်။

အိမ်တွင်းဖြစ် ဆူရှီလုပ်ရတာ အင်မတန်လွယ်ပါတယ်။ ကျမကတော့ အရသာရှိအောင် ထမင်းကို ဆီနဲ့ဆားထည့်ပြီး နယ်လိုက်တယ်။ ပုံမှန်ကတော့ ဘာမှထည့်မနယ်ပါဘူး။

နယ်ပြီးသား ထမင်းကို ရေညှိရွက်ပေါ် ဖြန့်ပြီးခင်းပါတယ်။ ထမင်းကို မနည်း မများ ပြန့်ပြန့်လေးထည့်ပြီး လိပ်ပါတယ်။ အဆုံးဘက်နားမှာတော့ ထမင်း မထည့်ပါဘူး။ အနားသတ်ဖို့ ချန်ထားတာပါ။



ပြီးရင် ဓါးထက်ထက်နဲ့ အရွယ်တော်လှီးပြီး ဈေးက ၀ယ်ထားတဲ့ အသင့်စား ရေညှိသုပ်ကို အပေါ်ကတင်လိုက်တဲ့အခါမှာ စားချင်စဖွယ် ဆူရှီလုပ်ခြင်း ပြီးစီးသွားပါပြီ။ အဲဒီ ရေညှိက ဆံပင်အတွက်ကောင်းတယ်လို့ အစ်မတစ်ယောက်က ပြောလို့ ဆိုင်မှာစားတိုင်း အဲဒါကို မှာဖြစ်တယ်။ ကြိုက်လည်း ကြိုက်လို့ပါ။



နောက်လုပ်ဖြစ်ရင် တစ်ခြား အဆာပလာတွေ ထည့်ထားတဲ့ ဆူရှီလေးတွေ ဆက်တင်ပါမယ်။

တို့ဖူးနွေး

ငယ်ငယ်က ဖေဖေ တစ်ခါတစ်လေ ချက်ကြွေးတတ်တဲ့ တို့ဖူနွေးကို သတိရလို့ ပြီးခဲ့တဲ့ စနေက စမ်းပြီး ချက်စားကြည့်တယ်။

ဖေဖေချက်တုန်းက တစ်ခါမှ ဘေးကနေ မကြည့်ဘူးတော့ ဘယ်လိုလုပ်ရမလဲ မသိဘူး။ အဲဒါနဲ့ မမီး(www.99sanay.com)ဆီက ချက်နည်းသွားကြည့်ပြီး ချက်လိုက်တယ်။ မမီးရဲ့ ဟင်းချက်နည်းတွေက လုပ်ရလွယ်လို့ သူ့ဆီက သွားသွားပြီး ပညာယူရတယ်။



ကိုယ်တိုက်ချက် တို့ဖူးနွေးလုပ်ဖို့ ပြင်ဆင်ပုံ အဆင့်ဆင့်က...

၁။ ပထမဆုံး မွှေး တံဆိပ် ကုလားပဲ အစိမ်းမှုန့်ထုပ်ကို ရေ လီတာဝက်လောက်နဲ့ ဖျော်ပြီး နာရီဝက်ထားထားလိုက်တယ်။
၂။ ကြက်သွန်ဖြူ အခွံခွာပြီး ညက်ရုံ ထောင်းထားတယ်။ ထောင်းစရာ မရှိရင် ပါးပါးလေး စကာစိပ်စိတ်ထားလည်း ရတယ်။
၃။ ငရုတ်သီးခြောက် အနီတောင့် ကြော်ထားပြီးသားကိုလည်း ညက်အောင် ထောင်းထားတယ်။
၎။ ကြက်သွန်ဖြူ၊ ကြက်သွန်နီ နဲ့ ခရမ်းချဉ်သီး ပါးပါးလှီးထားတယ်။
၅။ ကြက် (သို့) ၀က်သား တောက်တောက်စင်းထားတာကို ၀ယ်ထားပါ။ အိမ်မှာတော့ အဲ့ဒီ့နေ့က အစီအစဉ်မရှိဘဲ ချက်တာမို့လိုက် နှစ်မျိုးစလုံး မရှိပါဘူး။ အဲဒါနဲ့ အစ်မက ရန်ကုန်က ပို့ထားတဲ့ ၀က်သားဒုတ်ထိုးတွေကို ကတ်ကြေးနဲ့ ပါးပါးလေးဖြစ်အောင် ညှပ်ပေးပါတယ်။
၆။ ခေါက်ဆွဲခြောက်ကို ပြုတ်ထားပါ။ ကျမကတော့ ဘာခေါက်ဆွဲဖြစ်ဖြစ် ဂျုံနဲ့ လုပ်ထားရင်ပြီးရောဆိုပြီး သုံးလိုက်ပါတယ်။ ခေါက်ဆွဲသား သိပ်မထူတာဆို ပိုအဆင်ပြေပါတယ်။

စချက်ကြစို့...

၁။ ဆီချက် ချက်မှာမို့ ဆီများများထည့်ပြီး ဆီအိုးတည်ပါတယ်။ ဆီကျက်ရင် ထောင်းထားတဲ့ ကြက်သွန်ဖြူထည့်ပြီး မီးခဏပိတ်ပါတယ်။ ပြီးရင် ငရုတ်သီးထောင်းထည့်ပါတယ်။ ကြက်သွန်ဖြူတွေက ထောင်းထားတော့ ညက်နေပြီး ပူနေတဲ့ ဆီအများကြီး ရှိနေတဲ့အိုးထဲထည့်လိုက်တော့ မြန်မြန်ကျက်ပြီး တူးသွားတတ်လို့။ အဲလို တူးချင်သလိုဖြစ်သွားလို့ ပထမတစ်အိုးကို သွန်ပစ်လိုက်ရတယ်။ နှမြောလိုက်တာ။ ပင်ပင်ပန်းပန်းထောင်းထားရတာ.။

၂။ ပါးပါးလှီးထားတဲ့ ကြက်သွန်ဖြူ၊ ကြက်သွန်နီကို ဆီသတ်ပါ။ ကျက်ရင် ပါးပါးလှီးထားတဲ့ ခရမ်းချဉ်သီးထည့်ပြီး လိတ်သွားတဲ့အထိ ဆီသတ်ပါတယ်။ ပြီးရင် အသား တောက်တောက်စင်းထားတာကိုထည့်ပြီး၊ ဆား၊ ပဲငံပြာရည် နဲ့ အချိုမှုန့် သင့်ရုံ ထည့်ပါတယ်။

၃။ ရေဖျော်ထားတဲ့ ကုလားပဲ အစိမ်းမှုန့်ကို အိုးထဲအကုန်ထည့် ရေနည်းမယ်ထင်ရင် သင့်ရုံထပ်ထည့်ပြီး ဆူအောင်တည်ပါ။ လက်ကို ပဲရည်အပူတွေ မစင်အောင် သတိထားပါ။ တစ်ဖြည်းဖြည်း ပျစ်လာပြီဆိုရင် လိုချင်တဲ့အနေရပြီဆိုရင် မီးပိတ်လို့ရပါပြီ။

စားလို့ရပြီ...



၁။ ခေါက်ဆွဲကို စားနိုင်သလောက် ပန်းကန်ထဲထည့်ပါ။ လျှော့ထည့်ရင် ပိုကောင်းပါတယ်။ တို့ဖူးနွေးထည့်လိုက်ရင် စားမကုန်ဘဲ ဖြစ်တတ်လို့ပါ။

၂။ တို့ဖူးနွေးကို ခေါက်ဆွဲတွေဖုံးအောင် (သို့) ကြိုက်သလောက် ထည့်ပါ။

၃။ အသားချက်ထားတာ ထည့်ပါ။

၎။ ကြက်သွန်ဖြူ၊ ငရုတ်သီး ဆီချက်ထည့်ပါ။

၅။ ရောမွှေပြီး အပေါ့၊ အငံမြည်းပြီး အားရပါးရ စားလို့ရပါပြီ။

သူများတွေကတော့ မုန်ညင်းချဉ်၊ နံနံပင်၊ ကြက်သွန်မြိတ်၊ သံပုရာသီး၊ ဘာ၊ ညာ တွေ ထည့်စားကြပါတယ်။ ကျမကတော့ အဲဒါတွေ မရှိလို့ ဒီအတိုင်းပဲ စားပါတယ်။ စားသလောက်လည်း ၀င်ပါတယ်။ ချက်တာ အောင်မြင်လို့လည်း ပျော်ပါတယ်။ :)

ပျော်ရွှင်ကြပါစေ။

အပျိုး

မင်္ဂလာပါ။

ရပ်ဝေး မြေခြားမှာ ရောက်နေတဲ့အချိန် ကိုယ့်ရိုးရာ အစားအစာကို လူတော်တော်များများ တမ်းတကြမှာပါ။ ကျမကလည်း ဒီလိုလူတွေထဲက တစ်ယောက်ပါ။ အရင်က ပုံမှန် ချက်လေ့ချက်ထ မရှိဘဲ အခုနောက်ပိုင်းမှ စချက်တာဆိုတော့ ချက်နည်းတွေက အလွယ်နည်းတွေပါ။ ထုံးတမ်းစဉ်လာအရ ချက်နည်းမဟုတ်ပေမယ့် အတတ်နိုင်ဆုံး စားကောင်းအောင်၊ လုပ်ရလွယ်အောင် ရေးပါမယ်။

ခုမှ စရေးမှာဆိုတော့ ဘယ်လောက်မှန်မှန် ပို့စ်တင်ဖြစ်မလဲတော့ မပြောနိုင်သေးပါဘူး။ တစ်ပါတ်၊ တစ်ခါလောက်တော့ အနည်းဆုံး တင်ဖြစ်မယ် ထင်ပါတယ်။

အားလုံး ကိုယ်၊စိတ် နှစ်ဖြာ ကျန်းမာ၊ ချမ်းသာကြပါစေ။