လုပ်နည်း အသေးစိတ်ကို ဒီမှာ ရေးခဲ့ဖူးပါတယ်။
ထမင်းလိပ်ထဲကို သခွားသီး၊ ဝက်အူချောင်းကြော်နဲ့ ကြက်ဥကြော်ထည့်လိပ်ပါတယ်။
လိပ်ပြီးတော့ ဒီလိုပုံလေးတွေ ဖြစ်သွားရော။ သိပ်အကျစ်ကြီးတော့ မဖြစ်ဘူး။ စားလို့တော့ အဆင်ပြေပါတယ်။
နောက် အဒေါ်က ဆယ်လ်မွန်ငါးဝယ်လာတာနဲ့ အဲ့ငါးကို အစိမ်းသုပ်ကြည့်ကြမယ်ဆိုပီး စမ်းသုပ်ပြန်ပါတယ်။ ဆယ်လ်မွန်ကို တစ်ခါမှ မသုပ်ဖူးတော့ ထင်ရာ၊ မြင်ရာတွေ လျှောက်လုပ်လိုက်တာ ခုလိုပုံဆိုး ပန်းဆိုးလေး ထွက်လာတယ်။ :D
ဓါးမထက်တာကြောင့်ရော၊ လူမတော်တာကြောင့်ပါ ငါးအသားလွှာတာ မလှမပဖြစ်သွားတယ်။ ငါးသုပ်ဖို့ ဆော့စ်ကို သံပုရာသီး၊ ငံပြာရည်၊ ငရုတ်သီးစိမ်းနဲ့ ကြက်သွန်ဖြူ နုတ်နုတ်စင်း၊ ဆားနည်းနည်းနဲ့ သမအောင် မွှေပြီး ငါးကို ဖွဖွနယ်ပြီး သုပ်လိုက်ပါတယ်။ ဆိုင်တွေမှာလောက် မကောင်းပေမယ့် စားမရလောက်အောင်တော့ မဆိုးသွားပါဘူး။
ညီမလေးက ကင်မ်ချီစမ်းလုပ်ကြည့်ချင်တယ် ဆိုတာနဲ့ တူတူစမ်းလုပ်ကြည့်ကြမယ်ဆိုပြီး စမ်းကြည့်ကြတယ်။ ကျမက လုပ်ထားတာ အတော်ကြာပြီမို့ လုပ်နည်းတောင် မေ့တေ့တေ့ဖြစ်နေလို့ ဘလော့ဂ်မှာ ပြန်ရှာကြည့်ရတယ်။ အဲ့လိုဆိုတော့လည်း ဒီဘလော့ဂ်လေးလုပ်ထားတာက အသုံးဝင်သားလို့ ကိုယ့်ဘာသာကိုယ် ပီတိတွေ ဖြစ်လို့။ :)
ကင်မ်ချီလုပ်နည်းကို ဒီမှာ သွားကြည့်လို့ ရပါတယ်။
၁။ နောက် အရည်သောက်အတွက် ကြက်ရိုးစွပ်ပြုတ်လုပ်မယ်ဆိုပြီး အရင်ဆုံး ဟင်းရည်အတွက် ရေနွေးတည်၊ ဆားနည်းနည်း၊ ငံပြာရည်နည်းနည်းထည့်ပြီး ပွက်အောင်တည်ပါတယ်။
(ညီမလေးအိမ်မှာ အချိုမှုန့်တို့ ကြက်သားမှုန့်တို့ မသုံးလို့၊ ကျမအိမ်မှာဆိုရင်တော့ ခနောခဲထည့်လေ့ရှိပါတယ်။)
၂။ ဟင်းရည်ပွက်ရင် တုံးထားတဲ့ ကြက်ရိုးတွေထည့်ပြီး ခပ်ကြာကြာ ပွက်ပွက်ဆူအောင် တည်ပါတယ်။
၃။ ပြီးရင် ခပ်သေးသေးတုံးထားတဲ့ မုန်လာဥနီနဲ့ သခွားသီးတွေ ထည့်၊ ကျက်ရင် မီးပိတ်ပြီး သုံးဆောင်လို့ ရပါပြီ။
ငရုတ်ကောင်းမှုန့်ကို ကြိုက်တတ်ရင် မီးပိတ်ပြီး နည်းနည်းထည့်လို့ ရပါတယ်။
aku dee kim chi tway ma kone thay bu.sar loe kaung ma kaung bal:)
ReplyDeleteCool! Let's try sth else next time! =)
Deleteလာလည်သွားပါတယ်။ကျွန်တော်တို့blogလေးကိုလည်းလာလည်ပါနော်။http://setanashin.blogspot.com/
ReplyDelete