၁။ အရင်ဆုံး မုန်ညှင်းရွက် အစိမ်းတွေကို တစ်ရွက်ချင်းစီ ရေစင်အောင်ဆေးပြီး နွမ်းသွားအောင် တစ်ရက်လောက် နေလှန်းပါတယ်။
၂။ နေလှန်းလို့ နွမ်းသွားတဲ့ မုန်ညှင်းရွက်တွေကို ခပ်ပါးပါးလှီးပါတယ်။ (ကျမလှီးတာကတော့ သိပ်ပါးသွားသလိုပဲ။)
၃။ ပါးပါးလှီးထားတဲ့ မုန်ညှင်းရွက်တွေထဲကို ဆားသင့်ရုံထည့်ပြီး လက်နဲ့ သေချာနယ်ရပါတယ်။ (ဆားကို ဟင်းချက်သလောက်ပဲထည့်ဖို့ တီချမ်းက မှာထားတာကို နည်းမှာစိုးလို့ နဲနဲပိုထည့်လိုက်တာ ကျမရဲ့မုန်ညှင်းချဉ်က နည်းနည်းလေးသွားတယ်။)
၎။ ဆားနဲ့နယ်လို့ ညီညီညာညာနွမ်းသွားပြီဆိုရင် ထမင်းလက်တစ်ဆုပ်လောက်ထည့်ပြီး သမအောင် ထပ်နယ်ပါတယ်။
၅။ ပြီးရင်တော့ သိမ်းမယ့်ဗူးထဲကို မုန်ညှင်းရွက်တွေကို သေချာရေညှစ်ပြီး သိပ်ထည့်ပါတယ်။ (ကျမ နေပြတာပဲ သေချာမနွမ်းလို့လားမသိ၊ ရေတော်တော်ထွက်ပါတယ်။ ဒါကြောင့် ရေသေချာညှစ်ရပါတယ်။)
၆။ မုန်ညှင်းရွက်တွေကို ဗူးထဲသိပ်ပြီးတော့ အပေါ်ယံ ဆားနည်းနည်းဖြူးပါတယ်။
၇။ ဆားဖြူးပြီးတော့ သောက်ရေအေးကို အရွက်တွေအကုန်မြုပ်အောင် ထည့်ပါတယ်။
၈။ နှစ်ရက်လောက် နေပြလိုက်ရင် မုန်ညှင်းချဉ်ရပါပြီ။ (ကျမကတော့ နေပြဖို့မေ့သွားလို့၊ အိမ်ထဲမှာ ဒီအတိုင်းထားရင်းနဲ့ ချဉ်သွားပါတယ်။ :D)
No comments:
Post a Comment