အစ်မတော် မြန်မာပြည်ပြန်လို့ အိမ်မှာ တစ်ယောက်ထဲဆိုတော့ အရင်လို ထွေထွေထူးထူး မချက်နေတော့ဘဲ လွယ်ကူရာ လွယ်ကူကြောင်း ကြာဇံပဲ ကြော်စားလိုက်တယ်။
ကျမကြာဇံကြော်ရင် အိမ်ကလူတွေကလွဲလို့ သူများတွေက သိပ်မကြိုက်ကြဘူး။ ဆီသိပ်မပါလို့။ အိမ်မှာက တစ်အိမ်လုံး ဆီသိပ်မကြိုက်လို့ ဘာပဲချက်ချက် ဆီကို လိုတာထက် ပိုမထည့်ဖြစ်ဘူး။
ဒီကြာဇံကြော်က အလွယ်ကြော်ထားတာဆိုတော့ လုပ်ရတာ အင်မတန်မြန်ပါတယ်။
ပဲတောင့်ရှည် - ပါးပါးလှီး၊ ဝက်သား - ခပ်သေးသေးပါးပါးလှီး၊ ကြက်ဥတစ်လုံး ခေါက်ထား၊ ကြက်သားမှုန့်ထည့်ပြီး အားလုံးရောမွှေထားပါတယ်။
ကြာဇံကို ကြော်မလောက်ယူပြီး ရေစိမ်ထားပါ။
ဆီအိုးတည်ပြီး ဆီပူလာရင် အရသာထည့်ပြီး ရောမွှေထားတဲ့ ပဲသီး၊ ဝက်သားနဲ့ ကြက်ဥကို ထည့်ကြော်ပါ။ ကျက်ရင် ကြာဇံထည့်၊ ပဲငံပြာရည် သင့်ရုံထည့်ပြီး သမအောင်မွှေပါ။ ကြာဇံကျက်ရင် မီးပိတ်၊ အဖုံးအုပ်ထားလိုက်ပါ။
စားဖို့ အဆင်သင့် ကြာဇံကြော်တစ်အိုး ရပါပြီ။
No comments:
Post a Comment