မယ်ဇလီဖူးသုပ်

မယ်ဇလီဖူးသုပ် မစားရတာ ဘယ်နှစ်နှစ်ရှိပြီလဲတောင် မမှတ်မိလောက်အောင် ကြာနေပါပြီ။ မမိုးကောင်းသူဘလော့ဂ်မှာ ပြန်တွေ့ကတည်းက အရမ်းပြန်စားချင်နေတာ ကံကောင်းချင်တော့ ပြီးခဲ့တဲ့အပါတ်က ဈေးမှာတွေ့လို့ မယ်ဇလီဖူးကို ဝယ်လာခဲ့ပါတယ်။

မယ်ဇလီဖူးသုပ်ကို သုပ်ပြီးသားပဲ အမြဲစားဖူးတာဆိုတော့ ကိုယ်တိုင်လုပ်တော့မှ ဘယ်လောက် အလုပ်ရှုပ်သလဲဆိုတာ သိတော့တယ်။ ဒါပေမယ့် စားလို့ တော်တော်ကောင်းလို့ အလုပ်ရှုပ်ရကျိုးနပ်တယ်လို့ ထင်ပါတယ်။

မယ်ဇလီဖူးတွေက အများကြီးမို့ အခါခါ ခွဲပြီး သုပ်စားနေလို့ သုပ်ဖြစ်သမျှနည်းတွေကို ပေါင်းတင်လိုက်ပါတယ်။

ပထမနည်းက..
၁။ ဒီမှာ မယ်ဇလီဖူးတွေကို မယ်ဇလီရွက်တွေနဲ့ပါ ရောရောင်းတာဆိုတော့ အဖူးရော၊ အရွက်ပါ ရောပြီး သုံးလိုက်ပါတယ်။ အရင်ဆုံး အရွက်အရင့်၊ အရိုးအရင့်တွေကို ဖယ်ပြီး ရေစင်အောင်ဆေးပါတယ်။ ပြီးရင် မယ်ဇလီဖူးတွေကို ၃ခါ ပြုတ်လိုက်၊ ရေလဲပြီး ထပ်ပြုတ်လိုက်လုပ်ပါတယ်။

၂။ ပြုတ်ထားတဲ့ မယ်ဇလီဖူးတွေကို ညက်လုနီးပါးဖြစ်အောင် ထောင်းပါတယ်။
၃။ ကြက်သွန်နီ ၄ဥကို ပါးပါးလှီးပြီး ဆီအိုးထဲမှာ ဆီခပ်များများထည့်၊ ဆနွင်းမှုန့် အနည်းငယ်ထည့်ပြီး ကြွတ်အောင် ကြော်ပါတယ်။

၎။ မြေပဲ ဟင်းခတ်ဇွန်း ၃ဇွန်း၊ ပုဇွန်ခြောက် ဟင်းခတ်ဇွန်း ၂ဇွန်းကို ညက်အောင် ထောင်းထားပါတယ်။

၅။ ခရမ်းချဉ်သီးတစ်လုံးကို အစေ့ဖယ်ပြီး ပါးပါးလှီးထားပါတယ်။
၆။ ထောင်းထားတဲ့ မယ်ဇလီဖူးထဲကို မြေပဲထောင်း၊ ပုဇွန်ခြောက်ထောင်း၊ ကြက်သွန်နီကြော်၊ ခရမ်းချဉ်သီးထည့်၊ ငံပြာရည် ဟင်းခတ်ဇွန်း ၂ဇွန်းခွဲ၊ ဆား လက်ဖက်ရည်ဇွန်း ဇွန်းဝက်ထည့်ပြီး နှံ့အောင်နယ်ပြီးရင် အင်မတန်စားကောင်းတဲ့ မယ်ဇလီဖူးသုပ်တစ်ပွဲကို သုံးဆောင်နိုင်ပါပြီ။

ဒုတိယနည်းကတော့ မယ်ဇလီဖူး ပြုတ် ထောင်းကို ကြက်သွန်နီကြော်၊ ကြက်သွန်ဖြူ ၄မြှောင့်ကို ပါးပါးလှီး၊ ပုဇွန်ခြောက်မှုန့်၊ ပဲမှုန့်၊ နှမ်းထောင်း၊ ငံပြာရည်၊ ဆား သင့်ရုံတို့နဲ့ ရောသုပ်ပါတယ်။
ဒုတိယနည်းထက် ပထမနည်းက ပိုစားကောင်းပါတယ်။

ပဲသီး၊ ဝက်သားကြော်

ဒီဟင်းကတော့ ကျမကိုယ်တိုင်ကြော်တာ မဟုတ်ပါဘူး။ ဟင်းချက်ဝါသနာအိုး သူငယ်ချင်းတစ်ယောက် ကြော်ပေးတာပါ။ သူချက်တဲ့နည်းတွေက ကျမချက်နေကျပုံစံမဟုတ်တော့ ကျမအတွက် နည်းသစ်တွေရပါတယ်။ ကျမက ဒီဟင်းချက်ဖို့ ပဲသီးတွေကို နှစ်ပိုင်းဖြတ်ပေးပြီး ကြော်ပြီးသားဟင်းကို ဓါတ်ပုံရိုက်ရင်း ဘေးကနေ ဆားချက်လိုက်ပါတယ်။ :)

၁။ ပဲသီးတွေကို ဘေးအမျှင်သင်ပြီး နှစ်ပိုင်းဖြတ်ထားပါတယ်။

၂။ ကြက်သွန်နီ တစ်ဥကို ရှစ်ပိုင်း ပိုင်းထားပါတယ်။

၃။ ဝက်သားပါးပါးလှီးထားတာကို ဂျင်းအရည်၊ ခရုဆီ၊ ဆား သင့်ရုံနဲ့ နယ်ပြီး ခဏနှပ်ထားပါတယ်။ အဲ့လို နှပ်ထားတော့ ဝက်သားက ပိုနူးညံ့သွားသလိုပဲ။ ပိုစားကောင်းပါတယ်။

၎။ အိုးထဲကို ဆီသင့်ရုံထည့်ပြီး ဆီပူလာရင် ကြက်သွန်နီထည့်မွှေ၊ ခဏကြာရင် ဝက်သားထည့် ကြော်၊ ဝက်သား ကျက်ရင် ပဲသီးထည့်၊ ပဲငံပြာရည်နဲ့ ဆား သင့်ရုံထည့်ပြီး ရောမွှေပါတယ်။ နည်းနည်းကြာလို့ ပဲသီးတွေအကုန် အရောင်ပြောင်းသွားပြီဆိုရင် ဟင်းကျက်ပါပြီ။

နန်းကြီးသုပ်

အုန်းနို့ခေါက်ဆွဲချက်စားဖို့ဆိုပြီး သူငယ်ချင်းတွေက အသင့်ချက်ဖို့ အထုပ် (ဘာတံဆိပ်လည်းတော့ မမှတ်မိတော့ဘူး။) ယူလာခဲ့ပေးတာနဲ့ အုန်းနို့ခေါက်ဆွဲ ချက်စားကြမယ်လို့ လုပ်နေရာက အားလုံးကို မေးကြည့်လိုက်တော့ ဘယ်သူမှ ဟုတ်တိပတ်တိကြိုက်တဲ့သူ မရှိဘူး။ စားဆိုရင်သာ စားလိုက်မယ်၊ ကြိုက်တော့ မကြိုက်ဘူးဆိုတဲ့အထဲက လူတွေချည်းပဲ။ နန်းကြီးသုပ်ဆိုရင်တော့ အားလုံးက ကြိုက်ကြတယ်။ ဒါနဲ့ အဲ့ဒီမှာပါတဲ့ ဆီသတ်ထားပြီးသား ကြက်သားနဲ့ အဆာပလာတွေကိုသုံးပြီး နန်းကြီးသုပ်ပဲ လုပ်လိုက်ပါတယ်။

၁။ အရင်ဆုံး ကြက်သားကို အနေတော် ခပ်သေးသေးလေးတွေ တုံးထားပါတယ်။

၂။ အိုးထဲကို ဆီနည်းနည်းထည့်ပြီး ဆီပူအောင်လုပ်၊ ပြီးရင် ကြက်သားထည့် မွှေ၊ ပြီးရင် အုန်းနို့ခေါက်ဆွဲထုပ်ထဲက ကြက်သားဆီသတ် အနှစ်ထုပ်ကိုထည့် ဆီသတ်၊ သူ့မှာ အုန်းနို့နဲ့ ပဲမှုန့်တွေပါ ပါပြီးသားလို့ ထင်လို့ ရေနည်းနည်းထည့် ပွက်အောင်တည်ပြီး ဟင်းအနှစ်လုပ်လိုက်တယ်။

၃။ နန်းကြီးကို စားမလောက်ယူ၊ ဟင်းအနှစ် သင့်ရုံထည့်နယ်၊ သံပုရာသီး နည်းနည်းအရည်ညှစ်ထည့်၊ ငရုတ်သီး အလှော်မှုန့် နည်းနည်းထည့်၊ အရသာမြည်းကြည့်၊ ပေါ့ရင် ဆားနည်းနည်းထည့်နယ်၊ ပြီးရင် ရပါပြီ။ ဟင်းအနှစ်က လေးပြီးသားမို့ ဆားထည့်ဖို့ မလိုသလောက်ပါပဲ။ စ နယ်နယ်ချင်း အနှစ် အများကြီး မထည့်မိဖို့ သတိထားရပါတယ်။ လိုမှ ထပ်ဖြည့်တာက ပို အဆင်ပြေပါတယ်။

အခုလို အုန်းနို့ခေါက်ဆွဲ အသင့်ချက် အထုပ်နဲ့ မလုပ်ဘဲ ကိုယ့်ဘာသာကိုယ် လုပ်မယ်ဆိုရင်...

၁။ ကြက်သားကို ခပ်သေးသေးနုတ်နုတ်လေး စင်းထားပြီး ဆား၊ ငံပြာရည်၊ ငရုတ်သီး အရောင်တင်မှုန့် သင့်ရုံနဲ့ သမအောင် နယ်ထားရပါမယ်။

၂။ ကြက်သွန်ဖြူ ၄မြှောင့်၊ ကြက်သွန်နီ ၃ဥကို စကာစိတ်စိပ်ပြီး ညက်အောင် ထောင်းထားရပါမယ်။

၃။ အိုးထဲကို ဆီသင့်ရုံထည့်ပြီး ဆီကျက်ရင် ဆနွင်းမှုန့်နဲ့ ငရုတ်သီး အရောင်တင်မှုန့်သင့်ရုံထည့်၊ ကြက်သွန်ထောင်းထားတာထည့်၊ ဆားသင့်ရုံထည့်ပြီး ကျက်အောင် ဆီသတ်ပါမယ်။

၎။ ကြက်သွန်ရပြီဆိုရင် ကြက်သားထည့်ပြီး မွှေ၊ ကြက်သားကျက်ရင် ဆီသတ်တာ ရပါပြီ။

၅။ နန်းကြီးကို စားမလောက်ယူ၊ ကြက်သားဆီသတ်ထည့်၊ ပဲမှုန့်၊ သံပုရာရည်၊ ဆား သင့်ရုံထည့်ပြီး သမအောင်နယ်ပြီးရင် နန်းကြီးသုပ် ရပါပြီ။

စားဖို့ အသင့် ပန်းကန်ထဲထည့်ပြီးရင် အပေါ်က မုန့်ကြွတ်ကြော်ဖြူးပြီး သုံးဆောင်နိုင်ပါပြီ။

(ဘဲဥပြုတ်နဲ့ ကြက်သွန်နီကို အစိမ်း ပါးပါးလှီးထည့်တာ ကြိုက်တတ်ရင် ထည့်နိုင်ပါတယ်။ အိမ်မှာတော့ သိပ်မကြိုက်ကြလို့ မထည့်တော့ပါဘူး။)

ဆူကီ

အိမ်မှာ ဂတ်စ်မီးဖိုလေးနဲ့ အိုးလေးတွေ စဝယ်တဲ့နေ့တုန်းက ဖွင့်ပွဲလုပ်ကြမယ်ဆိုပြီး ဆူကီလုပ်စားဖြစ်ကြတယ်။ အိမ်မှာ ဆူကီလေးလုပ်စားပြီး သောက်ချင်တဲ့ အအေးသောက်၊ စားချင်တဲ့ အချိုပွဲစားနဲ့ ဆိုင်မှာစားတာထက် ပိုလည်း ဇိမ်ကျ၊ ဈေးလည်း ပိုသက်သာပြီး၊ သက်တောင့်သက်သာ ရုပ်ရှင်လေးကြည့်ပြီး စားလို့ရလို့ နောက်နောင်လည်း အခုလိုလုပ်စားဦးမယ်လို့ စိတ်ကူးမိတယ်။

၁။ ဆူကီအတွက် အမဲသားလုံး၊ ပဲပြားလုံးကြော်၊ မုန်ညင်းစိမ်း၊ မုန်ညင်းဖြူ၊ ကန်ဇွန်းရွက်၊ မှိုဖြူ၊ မှိုညို၊ ကြာစွယ်၊ ပြောင်းဖူး၊ ပဲကြာဆံ၊ ကြက်ဥ စတဲ့ ကိုယ်ထည့်ချင်တဲ့ အဆာပလာတွေကို အသင့်ပြင်ထားပါတယ်။
၂။ အိုးထဲကို လိုချင်သလောက် ဟင်းရည်အတွက် ရေသင့်သလောက်ထည့်တည်၊ ခနောအသားမှုန့် (သို့) အခဲ သင့်ရုံထည့်ပြီး ပွက်အောင် တည်ပါတယ်။

၃။ ဟင်းရည်ပွက်ရင် အကျက်နှေးတဲ့ အသားလုံး၊ ကြာစွယ်နဲ့ ပြောင်းဖူးထည့်၊ ပြီးရင် မှိုညိုထည့်၊ အားလုံးကျက်ပြီဆိုရင် ကျန်တာတွေထည့်ပြီး ခဏကြာရင် မီးပိတ်ထားလို့ရပါပြီ။
၎။ ဆူကီအတွက် အချဉ်ကိုတော့ Heinze ငရုတ်ဆီထဲကို ကြက်သွန်ဖြူနဲ့ ငရုတ်သီးစိမ်း ပါးပါးရိတ်ရိတ်လှီးထဲ၊ ငံပြာရည်နည်းနည်းထည့်ပြီး သုံးလိုက်ပါတယ်။

ဆူကီစားပြီး ကြိုက်နှစ်သက်ရာ အအေးသောက်ဖို့ (မျက်စိနဲ့) အအေးဗူးတွေကိုပါ တင်ပေးထားပါတယ်။ အအေးဗူးတွေက ဈေးလျှော့နေလို့ ဖြည်းဖြည်းချင်းသောက်ဖို့ တစ်ခါတည်း များများဝယ်ထားလိုက်တာ။ အအေးသောက်ပြီး နာနတ်သီးနဲ့ စတော်ဘယ်ရီသီးတွေလည်း အချိုတည်းသွားနိုင်ပါတယ်ရှင်။

ဝက်သား ခေါက်ဆွဲကြော်

တစ်နေ့၊ တစ်နေ့ ဘာဟင်းချက်ရမလဲပဲ စဉ်းစားနေရလို့ အပြောင်းအလဲဖြစ်အောင် ထမင်း၊ ဟင်း မချက်ဘဲ ခေါက်ဆွဲကြော်ပဲ ကြော်စားလိုက်ပါတယ်။

၁။ စပါကတီခေါက်ဆွဲကို ဆား လက်ဖက်ရည်ဇွန်းဝက်၊ ဆီ လက်ဖက်ရည်ဇွန်း တစ်ဇွန်း ထည့်ထားတဲ့ရေထဲထည့်ပြီး အထုပ်မှာ ပြထားတဲ့ မိနစ်အတိုင်း ကျက်အောင် ပြုတ်၊ ကျက်ရင် ဆယ်ပြီး ရေအေးနဲ့ ဆေး၊ ရေစစ်ထားပါတယ်။

၂။ ပဲသီးတွေကို ဘေးအမျှင်သင်ပြီး စောင်းစောင်းလေး ထက်ဝက်ပိုင်းထားပါတယ်။

၃။ ကြက်ဥတစ်လုံးကို ဆားနည်းနည်းထည့်ပြီး သေချာခေါက်ထားပါတယ်။

၎။ ဝက်သားထည့်ကြော်ချင်သလောက်ကို တောက်တောက်စင်းထားပါတယ်။

၅။ ဆီအိုးတည်ပြီး ဆီပူလာရင် ဝက်သားတောက်တောက်စင်းထားတာကို ခြောက်တဲ့အထိ ကြော်ပါတယ်။

၆။ ဝက်သားကြော် ရပြီဆိုရင် ကြက်ဥထည့်ပြီး မွှေကြော်ပါတယ်။

၇။ ကြက်ဥကြော်ရပြီဆိုရင် ပဲသီးထည့်၊ ဆား လက်ဖက်ရည်ဇွန်းဝက်ထည့် ကြော်ပါတယ်။

၈။ ပဲသီးတွေ အရောင်ပြောင်းပြီဆိုရင် ခေါက်ဆွဲထည့်၊ ဆား လက်ဖက်ရည်ဇွန်း တစ်ဇွန်း၊ အချိုမှုန့် လက်ဖက်ရည်ဇွန်း လေးပုံတစ်ပုံလောက်ထည့်၊ ရေလိုရင် ရေနည်းနည်းထည့်ပြီးမွှေ၊ အရသာဝင်အောင် ခဏထားပြီး အိုးအဖုံးပိတ်ထားပါတယ်။

ခဏကြာရင် လွယ်လွယ်ကူကူနဲ့ အရသာရှိတဲ့ ခေါက်ဆွဲကြော်ကို သုံးဆောင်နိုင်ပါပြီ။

ပုန်းရည်ကြီး ဝက်သားဟင်း

အိမ်မှာ သူငယ်ချင်းတွေ ယူလာပေးတဲ့ ပုန်းရည်ကြီး နှစ်ထုပ်ရှိနေလို့ ဝက်သားဝယ်ပြီး ပုန်းရည်ကြီးနဲ့ ဝက်သားဟင်း ချက်ပါတယ်။

၁။ အရင်ဆုံး ကြက်သွန်ဖြူ ၅မြှောင့်၊ ကြက်သွန်နီ ၃ဥ၊ ဂျင်း လက်တစ်ဆစ်လောက်ကို ငရုတ်သီး အရောင်တင်မှုန့် ဟင်းခတ်ဇွန်း တစ်ဇွန်းထည့်ပြီး ညက်အောင် ထောင်းပါတယ်။

၂။ ဝက်သား သုံးထပ်သားကို အနေတော်အရွယ် တုံးပြီး ပဲငံပြာရည် အနောက် ဟင်းခတ်ဇွန်း ဇွန်းတစ်ဝက်လောက်ထည့်၊ ဆား လက်ဖက်ရည်ဇွန်းနဲ့ သုံးပုံ တစ်ပုံလောက်ထည့်ပြီး နယ်ထားပါတယ်။

၃။ ပုန်းရည်ကြီးနှစ်ထုပ်ကို ဖောက်ပြီး ဟင်းချက်ရင်ထည့်ဖို့ ပြင်ထားပါတယ်။
၎။ ကြက်သွန်ဖြူ၊ နီ၊ ဂျင်းတွေကို ဆီသတ်ပြီး ဝက်သားထည့်လုံး၊ ပြီး ရေထည့်ပြီး ဝက်သားနူးအောင် တည်ပါတယ်။

၅။ ဝက်သား နူးသလောက်ရှိရင် ပုန်းရည်ကြီးထည့်၊ ရေလိုသလောက် ထပ်ဖြည့်ထည့်ပြီး တည်ပါတယ်။ ပွက်ရင် ပုန်းရည်ကြီး ဝက်သားဟင်း ရပါပြီ။

ငရုတ်ပွ၊ ပုဇွန်ခြောက်ဟင်း

ဈေးမှာ ငရုတ်ပွ အရောင်သုံးရောင်နဲ့ တွေ့တွေ့နေလို့ ချက်စားလိုက်ရင် ရောင်စုံလေး သိပ်လှမှာပဲဆိုပြီး သုံးမျိုး၊ သုံးရောင်ဝယ်ခဲ့လိုက်တယ်။ အိမ်ရောက်တော့ အစ်မက ငရုတ်ပွ၊ ပုဇွန်ခြောက်ဟင်း ချက်ကျွေးမယ်ဆိုပြီး အခုလို ပြင်ဆင်ပြီး ချက်ပေးပါတယ်။ ကျမက ဘေးကနေကြည့်၊ သူဘယ်လိုချက်လဲမှတ်၊ ဓါတ်ပုံရိုက်တဲ့သူပေါ့။

ကျမတို့အိမ်မှာ အဲ့လို တစ်ခါမှ မချက်ဖူးဘူး။ အိမ်မှာ ချက်တဲ့ပုံက ငရုတ်ပွ အလုံးလိုက်ကို ထိပ်ပိုင်းလေးဖြတ် (ပြီးရင် အဖုံးပြန်ဖုံးဖို့)၊ အထဲက အစေ့တွေ ထုတ်၊ ကြက်သွန်ဖြူ၊ ကြက်သွန်နီ နုတ်နုတ်စင်းထားတာရယ်၊ ငရုတ်စေ့ရယ်၊ ပုဇွန်ခြောက်ထောင်း (သို့) အသား တောက်တောက်စင်းထားတာရယ်ကို ရောနယ်၊ အရသာထည့်ပြီး ငရုတ်ပွထဲ အစာသွပ်၊ အဖုံးဖုံးပြီး ထားထားတယ်။ ကြက်သွန်ဖြူ ဆီသတ်ပြီး ငရုတ်ပွတွေ စီထည့်၊ ငရုတ်ပွကို ရေသုံးပုံတစ်ပုံမြုပ်အောင်ထည့်၊ အဖုံးပိတ်ပြီး ရေခန်းနီးပါးဖြစ်အောင်ထားလိုက်တယ်။ အဲ့ဒါဆိုရင် ငရုတ်ပွတွေရော၊ အထဲကအစာတွေရော ကျက်ပြီ။ မကျက်သေးရင်လည်း ရေနည်းနည်းထပ်ထည့်ပြီး တည်လိုက်ရင် ရပြီ။ အဲ့လို ချက်စားခဲ့ကြတာ။

အခု အစ်မချက်တဲ့နည်းက...

၁။ ငရုတ်ပွ သုံးတောင့်ကို တစ်ခြမ်းစီယူပြီး သေးသေးလှီးထားပါတယ်။

၂။ ကြက်သွန်ဖြူ ၄မြှောင့်၊ ကြက်သွန်နီ ၂ဥ၊ ခရမ်းချဉ်သီး ၁လုံးကို သေးသေးလှီးထားပါတယ်။

၃။ ပုဇွန်ခြောက် လက်တစ်ဆုပ်လောက်ကို ရေစိမ်ပြီး နူးလာတော့ ဆယ်ထားပါတယ်။
၎။ အိုးထဲကို ဆီ ဟင်းချက်ဇွန်းနဲ့ နှစ်ဇွန်းလောက်ထဲ့၊ ဆီပူလာရင် ကြက်သွန်ဖြူ၊ နီ ဆီသတ်၊ ပြီးရင် ဆနွင်းမှုန့် လက်ဖက်ရည်ဇွန်း တစ်ဝက်နဲ့ ငရုတ်သီး အရောင်တင်မှုန့် လက်ဖက်ရည်ဇွန်း တစ်ဇွန်းထည့်မွှေ၊ ပြီးရင် ခရမ်းချဉ်သီးထည့်ပြီး လိတ်အောင် ဆီသတ်ပါတယ်။

၅။ ဆီသတ်ထားတာ ရပြီဆိုရင် ငံပြာရည် ဟင်းချက်ဇွန်းနဲ့ တစ်ဇွန်းနီးပါးထည့်မွှေပြီး ငရုတ်ပွတွေနဲ့ ပုဇွန်ခြောက်ကို ရောထည့်မွှေ၊ ရေနည်းနည်းထည့်ပြီး ပျော့သွားတဲ့အထိ ထားပါတယ်။ အိုးကို မကြာမကြာမွှေပေးဖို့လည်း လိုပါတယ်။
၆။ ငရုတ်ပွတွေကို လိုချင်တဲ့ အပျော့အမာ အနေတော်ပြီဆိုရင် အရသာမြည်းပြီး ဆားကို လိုသလောက်ထည့်၊ မွှေပြီး ချလို့ရပါပြီ။
ဒီဟင်းက အရမ်းကို မွှေးပြီး စားကောင်းပါတယ်။ ဒါပေမယ့် ဆီသတ်တုန်းက အရမ်းမွှန်တော့ ဘေးအိမ်ကလူတွေတောင် နှာတွေချီကုန်လို့ အားနာစရာ တော်တော်ကောင်းသွားတယ်။ အဲ့ဒီ့ရက်ပိုင်းကဆို သူများတွေ သူ့ဘာသာ နှာချေရင်တောင် မလုံမလဲ လှည့်ကြည့်မိနေတယ်။ နောက်ဆို များများချက်ပြီး သိမ်းထားပြီး စားမှပဲ။ ဒါဆို ခဏခဏ အားနာစရာ မလိုတော့ဘူး။ :D

ရခိုင်မုန့်တီ

ဒီနေ့ မနက်စာအတွက် ပြီးခဲ့တဲ့ရက် မုန့်ဟင်းခါးချက်တုန်းက သူငယ်ချင်းဝယ်လာပေးတဲ့ မုန့်ဖတ်တွေ ရှိနေသေးတာနဲ့ အန်တီချမ်းပေးထားတဲ့ အိမ့်စည်းစိမ် ရခိုင်မုန့်တီထုပ်နဲ့ မုန့်တီချက်စားဖြစ်ပါတယ်။
၁။ မုန့်တီဟင်းရည်ကို အိမ့်စည်းစိမ် အထုပ် ၂ထုပ်ထဲက အစာတွေနဲ့ ကြက်သွန်ဖြူ ၅မြှောင့်၊ ငါးသေတ္တာငါး (ဗူးထဲက) ၃ကောင်၊ ငရုတ်ကောင်း လက်ဘက်ရည်ဇွန်း ၁ဇွန်းကို ရောပြီး ညက်အောင်ထောင်း၊ ရေသင့်ရုံထည့်ပြီး တည်ပါတယ်။

၂။ အိမ်မှာ ဆန်လှော်မှုန့်တွေ ရှိနေတာနဲ့ မုန့်ဟင်းရည်ပွက်တော့ ဆန်လှော်မှုန့်တွေကို ရေဖျော်ပြီး ထည့်လိုက်တယ်။

၃။ ပဲသီး ၅တောင့်ကို ပါးပါးလှီးထားပါတယ်။

၎။ ကြက်သွန်ဖြူ ၆တောင့်ကို ညက်အောင်ထောင်းပြီး ဆနွင်းမှုန့် အနည်းငယ်နဲ့ ဆီချက် ချက်ထားပါတယ်။

၅။ ကြက်သွန်နီ ၃ဥကို အခွံသင်၊ ပါးပါးလှီးထားပြီး မုန့်တီထဲ ထည့်စားမလောက်ကို ရေအေးစိမ်ထားပါတယ်။
၆။ ကျန်ကြက်သွန်နီတွေထဲကို ကြက်သွန်ကြော်ကြော်ဖို့ အကြော်မှုန့် ဟင်းခတ်ဇွန်း ၄ဇွန်းထဲ့ ဆား၊ အချိုမှုန့်၊ ရေ အနည်းငယ်ထည့်ပြီး သမအောင် နယ်ပြီး ဆီခပ်များများထည့်ထားတဲ့ ဆီအိုးပူပူထဲကို နယ်ထားတဲ့ ကြက်သွန်နီတွေ ဖြန့်ထည့်ပြီး တစ်ခုစီ ကြော်ပါတယ်။
၇။ ပန်းကန်ထဲကို မုန့်ဖတ်ထည့်၊ ကြက်သွန်ကြော် ညှပ်ထည့်၊ ပဲသီး၊ ကြက်သွန်စိမ်း၊ ကြက်သွန်ဖြူဆီချက်နဲ့ ငရုတ်သီးအလှော်မှုန့်ထည့်၊ မုန့်တီဟင်းရည်ထည့်ပြီး သုံးဆောင်နိုင်ပါပြီ။

မုန့်ဟင်းခါး

ဒီနေ့ အိမ်ကို သူငယ်ချင်းတွေ ရောက်လာလို့ ထမင်း၊ ဟင်းချက်ရင် ကြာနေမှာစိုးလို့ မြန်အောင် စံပြဒေါ်ကြည် မုန့်ဟင်းခါး ဟင်းရည်ထုပ်နဲ့ မုန့်ဟင်းခါးချက်စားလိုက်ပါတယ်။

၁။ ဟင်းရည်ချက်နည်းကို အထုပ်ပေါ်မှာ ပြထားတဲ့အတိုင်းပဲ ချက်ပြီး ကြက်ဥ ၃လုံးကို ပြုတ်ပြီး ပါးပါးလှီးထည့်၊ ကြက်သွန်ဖြူကြော်တွေ ထပ်ဖြည့်ထည့်ပါတယ်။

၂။ ပဲသီး ၅တောင့်ကို ခပ်သေးသေးညှပ်ထားပါတယ်။

၃။ မုန့်ဖတ်ကို အဆင်သင့် ဝယ်ထားတာ မရှိလို့ ရှမ်းခေါက်ဆွဲချက်တဲ့ ဆန်ခေါက်ဆွဲမျိုး အခြောက်ထုပ်ကို ရေစိမ်၊ ပြုတ်ပြီး သုံးပါတယ်။

၎။ ပန်းကန်ထဲကို မုန့်ဖတ်ထည့်၊ ဟင်းရည်ထည့်၊ ပဲသီးစိမ်းနဲ့ ငရုတ်သီး အလှော်မှုန့်ထည့်ပြီးရင် အတော်အသင့်စားကောင်းတဲ့ မုန့်ဟင်းခါးတစ်ပွဲကို သုံးဆောင်နိုင်ပါပြီ။

ကြက်ဥချဉ်ရည်ဟင်း

ဟင်းသေချာချက်မစားဖြစ်တာ ကြာပြီမို့ အရမ်းကြိုက်ပေမယ့် ချက်မစားဖြစ်တာ တော်တော်ကြာနေပြီဖြစ်တဲ့ ကြက်ဥချဉ်ရည်ဟင်းကို ဒီနေ့ ချက်ဖြစ်ပါတယ်။

၁။ ခရမ်းချဉ်သီး လေးလုံးကို အစေ့တွေဖယ်ပြီး ပါးပါးလှီးပါတယ်။ ခရမ်းချဉ်သီးအစေ့က အမျိုးသမီးတွေအတွက် အရိုးပွစေတယ်လို့ ကြားဖူးလို့ရော၊ ဟင်းစားရင် ခရမ်းချဉ်သီးအစေ့တွေကို ဝါးမိတာကို မကြိုက်လို့ပါ အမြဲဖယ်စားပါတယ်။

၂။ ကြက်သွန်နီ ဥကြီး ၂ဥကို ပါးပါးလှီးထားပါတယ်။

၃။ ငရုတ်သီးစိမ်းတွေကို မလှီးဘဲ အတောင့်လိုက် ရေဆေးထားပါတယ်။ စပ်တာ မစားချင်ရင် ဖယ်စားလို့ ရအောင်လို့။
၎။ ကြက်ဥ ၆လုံးကို ပြုတ်၊ အခွံခွာပြီး အပ်ချည်ကြိုးနဲ့ နှစ်ခြမ်း ခြမ်းထားပါတယ်။
၅။ အိုးထဲကို ဆီသင့်ရုံထည့်ပြီး ဆီပူရင် ကြက်သွန်နီတွေကို ခြောက်အောင် ကြော်ပါတယ်။

၆။ ကြက်သွန်နီကြော်ရရင် ငရုပ်သီး အရောင်တင်မှုန့် ဟင်းခတ်ဇွန်းနဲ့ ၁ဇွန်း၊ ခရမ်းချဉ်သီးနဲ့ ငရုပ်သီးစိမ်းကိုထည့်ပြီး လိတ်အောင်ချက်ပါတယ်။

၇။ ဆား၊ အချိုမှုန့် နဲ့ ငံပြာရည် သင့်ရုံထည့်၊ မကျည်းမှည့် စားပွဲဇွန်း ၁ဇွန်းကို အရည်ဖျော်ထည့်ပါတယ်။

၈။ ဟင်းပွက်ရင် ခြမ်းထားတဲ့ ကြက်ဥတွေကို မှောက်ထည့်၊ ရေနည်းနည်းထည့်ပြီး ဆူအောင် တည်ပါတယ်။

၉။ အရသာမြည်းပြီး၊ ဟင်းက ဆီပြန်ရေကျန်လေးဖြစ်ပြီဆိုရင် ရပါပြီ။

ဟင်းထဲမှာ မကျည်းမှည့်ထည့်ချက်ထားလို့ အိုးမပေါက်အောင် ဟင်းကျက်တာနဲ့ ပန်းကန်ထဲခပ်ထည့်ထားလိုက်ပါတယ်။

ထမင်းပူပူ၊ ငါးခြောက်ထောင်းကြော်လေးနဲ့စားလို့ အရမ်းကို ကောင်းပါတယ်။